Monthly Archives: 9 يوليو, 2015

عندما يتأخر المرتب

المرتب أو الماهية طالها التدهور ونقص (وزنها) وأصابها (الإضمحلال) مؤخراً بعد أن زادت الأسعار بنسبة مية في المية (أو كمان أكتر في بعض السلع) وذلك نسبة لتدهور السعر الموازي للجنيه السوداني أمام السعر (المزازي) للين الياباني أمام السعر (التركوازي) للدولار الأمريكاني ..
وإنخفاض قيمة الجنيه خلت الناس يا جماعة بقت مزنوقة شديد والمرتب الكان بيخلص يوم خمسة في الشهر هسه بعد الزيادات دي بقي يخلص قبل ما تستلمو لأنو بيكون (في أحسن الحالات) كلو عبارة عن ديون وإلتزامات يستوي في ذلك الزول المرتبو مليون جنية أو الزول المرتبو خمسة مليون جنيه .. لكن مع هذا الرهق تعالو نقرأ بل نشاهد ماذا يمكن أن يفعلة هذا المرتب (بى قلتو دي) لو إتأخر شوية يعني فات يوم 8 في الشهر .. طبعاً لو كنتا عندك (سنام) تاكل منو مفيش مشكلة لكن المشكلة تكون من الجماعة (أبو من غير سنام ) .. يعني الرزق اليوم باليوم ! Continue reading →

Advertisements

يعني أيه؟

• يعني أيه لمن نكون بلد زراعي وسعر البطيخة يحصل 100ألف .. (ح نبيع الجلد)؟
• يعني أيه لمن معظم مدارسنا تكون آيلة للسقوط ونقوم (نهدي) لينا مركز للتدريب المهني بمواصفات عاليه ومزود بالاجهزة الحديثة والمعدات والآليات المتطورة والكوادر المدربة للإخوة في جذر القمر
• يعني أيه لمن نشتري لينا لاعب بي كم (مليون دولار) ومراكز غسيل الكلي تشكو من قل الماكينات
• يعني أيه لمن ينادي شيخ وإمام جامع بجمع مبلغ مليون دولار للإخوة في اليمن وأخوانو (الجوه) تعبانين تعب الموووت ! Continue reading →

طبق اليوم

سيداتى آنساتى سادتى قراء ومشاهدى (برنامج) أقصد (عمود) ساخر سبيل : حقيقى أنا آسف جداً لأنو الأسابيع الفاتت دي (البرنامج) والجريدة ذاااتا مرات بتختفى وده سببو وما (أدس عليكم( إنو مرات الواحد قاعد يفشل فى مسألة تشفير (البرنامج(، أصلو مسألة (التشفير) دي بقت موضة وأى واحد عاوز يشفر أي حاجه لأى زول فى أى حتة وإنتو عارفين إنو (العمود بدون تشفير زى الشرا فى القندول) أو كما قال (الحبشى) وهو يردد المثل العامى المأثور !
المهم حلقات البرنامج التى لم تشاهدونها (على الهواء) نسبة لمحاولات (البث التشفيرى) بمناسبة (الخمسة سنين الجديدة) يمكنكم مشاهدتها والحصول على نسخة منها على موقعنا على (الشبكة العنكبوتية) والذى يظهر لكم أسفل الشاشة (أقصد الصورة).
حلقة اليوم سيداتى آنساتى سادتى ونسبة لبداية (البث التجريبى المشفر) فسوف تكون عن (طبق اليوم) وقد أخترت لكم مادتها من كتاب (أبلة نظيرة) في فن (الطبخ) وسوف يكون (طبق اليوم) هو (المكرونة بالباشميل) ، أنا شخصيا بعرف (المكرونة) لأنها من (النشويات) وأنا (زول سكرى) وممنوع منها وكده ، لكن (الباشميل) ده كدى تعالو نشوفو سوا ونحنا مع بعض كده نقوم بتحضير طبق اليوم اللى هو (المكرونة بالباشميل) وتعالو نشوف المقادير: Continue reading →

ليتفكروا

ذكر أن أميه ابن اسكر الكنانى له إبن اسمه كلاب وقد كان شابا صالحا حريصا، كان كلاب هذا يمشي في
يوم من الأيام في طرقات المدينة فلقي طلحه ابن عبيد الله والزبير بن العوام فسألهما عن اى الأعمال أفضل في الإسلام قالا: الجهاد في سبيل الله فذهب إلى عمر بن الخطاب
فقال: ارسلنى إلى الثغور ، والثغور هي مراكز تجعل حول بلاد الإسلام يرابط بها المجاهدون لأجل أن يردوا الأعداء إن هجموا على بلاد المسلمين . Continue reading →

%d مدونون معجبون بهذه: