ثلاثيات عامية

من أرشيف الكاتب :
• رزع : تستخدم دائماً في حالة قفل الباب بشده يقال : رزع الخريج الباب بعد المعاينة كناية على صعوبة الأسئلة التي طرحت عليه (من شاكلة عدد المسلمين الماتو في موقعه بدر كم)
• شلع : شلع الشخص أي أحتسى الخمر وشخص (شالع) أي واقف لمبة Continue reading →

قانون سكسونيا

سألني أحد هم :
– هل تمت محاكمة من قاموا بالتغول على المدينة الرياضية وباعوا معظم أراضيها وقبضو أثمانها ودخلوها جيوبهم ؟
– لا والله ما أفتكر Continue reading →

حملة (أسرق برحمة)

يسألني الكثير من القراء عن سبب كتابتي المتتالية (إلى حد ما) عن الفساد و(الهبر) و(اللغف) دون بقية المواضيع الأخرى التي تزدحم بها حياتنا مستشهدين باللياقة (من لايوق) التي مارستها وأمارسها بخصوص (مئات الألاف من الدولارات) التي دخلت إلى جيوب بعض رجالات المشروع الإسلامي فيما يعرف بفضيحة بيع (خط هيثرو) والتي لم يقدم الوالغون فيها حتى اللحظة إلى منصات القضاء (وأهو منتظرين) ! Continue reading →

لصوص ضد اللمس

صديقي (سامي) من شباب الدروشاب من إسبوع تلفونو مقفول ، بالصدفة اتصلت بي زول لقيتو معاهو وقال لي تلفوني وتلفونات ناس بيتنا كلها اتسرقت ، لكن دي ما المشكلة يا أستاذ ، المشكلة إنو الحرامي لمن صحو بيهو اخواتو وهم نايمين في الحوش (كان دخل الأوضة) صاحبنا شال عصاية كبيرة شان يقاوم الحرامي ، الحرامي جا طالع شايل التلفونات في كيس ومعاها ساطور ، اللحظة ديك عاوز يهجم على الحرامي أمو كوركت فيهو (ماعافية منك ياولدي إن مشيت عليهو) وأخواتو كانو بيكوركو وهم شايفين زول طول وعرض شايل ساطور قدامن وخامي تلفوناتم ،، صاحبي خلاهو يمرق ويتلب بالكيس قدام عيونن !
ليه طيب لأنو أمو سمعت بي كم قضية بتاعت زول بيكتل حرامي لحظة المقاومة وأعدموهو ، خافت ولدا يكتل الحرامي وتفقد ولدا ، قالت ليهو ياولدي التلفونات بتتعوض بس انت إن كتلتو بيعدموك وانت مابتتعوض ليا !
القصة واضحة زي الشمس ، يجيك حرامي طول وعرض قوي البنية شايل سلاح (طبنجة ، سكين ، ساطور ، حديدة ، مطوة ) أوعك تقاومو بي سلاح لأنك لو كتلتو بيكتلوك ،، قصص عجيبة بنسمعا ومنها القصة الجاية دي :
في اللاماب شاب وزوجتو وأطفالو نايمين في امان الله ، الساعة 3 صباحا شافو ناس بيتلبو بعد قطعوا السلك الشايك وكانوا مجموعة حوالي 7 من دولة جارة شايلين سواطير ، الشاب دخل يدو تحت مخدتو طلع سلاحو المرخص ووقف على حيلو وبقى يقول ليهم أرجعوا وهم ماشين عليهو بسرعة مع الربكة وخوف الزوجة فكا طلقة أصابت واحد منهم وقع ميت الباقين شردوا ، الشرطة قبضت رب الأسرة بجريمة القتل العمد 130 ، القاضي قال ليهو مفروض تعطلو بس يعني ماتصيب مكان حساس ، والقاضي بيقصد إنو الزول دا يدخل دورة (قوات خاصة قناصة ) شان يقدر في ضلام الليل داك يحدد بي دقة وعن بعد كيف يقدر يصيب هدف متحرك (مارينز وكدا) !!!
قصة برضو زيها يا استاذ ، قالو ليك لص في الفتيحاب قاوم سيد البيت وكان عاوز يطعنو سيد البيت قاومو السكين طعنت الحرامي وسببت ليهو قطع لشريان وتلف عصبي وبقى مشلول (حكموا عليهو يعالجو ولو يبيع بيتو)!!!
ودي قصة تااانية يا أستاذ : في حي الهدى شرق النيل تلب حرامي وصحو بيهو ناس البيت ، الراجل كبير الحرامي طقاهو بي سيخة لمن وقع ينزف بناتو صحوا وبقوا يكوركو ، نسيبهم كان معاهم في الجزء التاني من البيت قام طارد الحرامي جوة الحوش وطقاهو بي عصاية للأسف الضربة كانت مميته ، حكموا عليهو بالإعدام وعندو اربعة أطفال اكبرهم عمرو 11 سنة ، بعد مفاوضات مع اهل الحرامي دفعوا دية مغلظة 500 مليون وعفو عنو !!
ياتو قانون بيحمي لص قوي وممكن يشتغل أي شغل حلال يجيك ناطي في بيتك ويفعل مايفعل وهو مسلح تقوم تقاومو وفي النهاية ياتخليهو يهرب أو تدفع ثمن شجاعتك ومقاومتك ، او تدخل دورة قناصة إصابة أهداف متحركة في منطقة مظلمة شان القاضي مايزعل منك ويلقى ليك عذر
هل انا مع قتل اللص ؟! أبدااا لكن اللص لو هدد حياتي وهو زاتو مسلح انا حاتصرف كيف ؟!! وهل من يموت دون ماله شهيد ولا لا ؟! طيب ليه حايكون شهيد أصلا مايخليهو يشيل مالو ويفتح ليهو الباب ومعاها بوسة في راسو ، حرامي طول وعرض وقوة ممكن يستاهل تعاطفنا ؟؟! ياتووو قانون دا ؟؟ منو الغلطان ومنو الظالم ومنو المظلوم !!!!.
بالله يا أستاذ شوف لينا القصة دي !! ,,,, بالمناسبة الرسالة دي وصلتني من (مظفر) وهو
واحد من أولادنا القراء !!

كسرة :
والله يا ولدنا (الحرامي) عندنا للأسف الشديد (معزز مكرم) كان سرق (ملاية) وللا سرق (ولاية) … وفي إنتظار رد أخواننا القانونيين !!
• كسرة ثابتة (قديمة) :
أخبار ملف خط هيثرو العند النائب العام شنو (وووووووووووو)+وووووووووووو)+ (وووووووووووو)+(وووووووووووو)+(وووووووووووو)+ (وووووووووووو)+(وووووووووووو) +و+و+و+و+و+و+و
• كسرة ثابتة (جديدة)
أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+(ووووووووووووو) +(وووووووووووو)+و+و+و+(و)+و+(و)+و+و+و+و+و+و+و+و
• كسرة جديدة لنج :
أخبار (أجهزة التصنت عالية الدقة) التي إستخدمت في غش إمتحانات الشهادة السودانية لسنة 2016 يا وزيرة التربية شنو (وووو)+(وووو) +و+و+و+و+و+و

حي يرزق

عندما وقعت وزارة المعادن السودانية ذلك العقد الملياردولاري مع شركة “سيبيريا للتعدين” الروسية في يوم الأربعاء 29 يوليو 2015 وأعلن وزير المعادن السوداني أحمد محمد صادق الكاروري حينها خلال مراسم توقيع العقد في القصر الجمهوري، أن “سيبيريا للتعدين” اكتشفت أكبر احتياطات من الذهب الخام في السودان في ولايتي البحر الأحمر ونهر النيل ولم يكتف (الوزير) بذلك فقد صرح بعد توقيع العقد بأن الشركة المذكورة قد قامت بالتنقيب عن الذهب في موقعين بولايتي البحر الأحمر ونهر النيل بمعدات حديثة استطاعت بها تحديد كميات بلغت 46 ألف طن من الذهب تمثل كنزا في باطن الأرض مضيفاً أن القيمة السوقية لهذه الكميات من الذهب تقدر بنحو 298 مليار دولار . Continue reading →

إلا دي

حينما تريد إقتناء (جلابية جديدة) تذهب إلى السوق وتقوم بشراء القماش بعد أن تختار اللون و (الخامة) ثم تذهب به إلى الترزي لتحدد له (شر وطك) وهل تريدها ً عادية أم (جناح أم جكو) ، وهل تريد أن يكون لها جيباً أمامياً أم لا ، وهل تريد أكمامها ان تكون واسعة ؟ كل شيء يتم بناء على رغبتك .
حين تصل إلى مرحلة أن تقوم ببناء (بيت) لك (طبعن لو مغترب) فإنك تطلب من المهندس أن تكون أمامه حديقة واسعة ، وأن يكون (صالون الضيوف) ماهلاً يسع عددا لا بأس به من الأشخاص ، كما قد تطلب منه أن يكون المطبخ واسعاً لأنك تفضل المساحة الواسعة ،وربما تطلب منه إضافة إضافة حمام اخر داخلي إلى غرفة النوم الرئيسة ، أنت الذي يحدد الشكل والألوان والمساحات وكل الأشياء التي تجعلك (مستريحاً) في سكنك الجديد .. في النهاية فإن كل تفاصيل البيت الجديد ستجدها كلها تمت بناء على رغبتك
حينما تذهب إلى صالون الحلاقة وما أن تجلس على ذلك الكرسي الوثير وتنظر إلى وجهك في المرآة حتى تخاطبه قائلاً (شوف يا أسطى) ثم تملي عليه شروطك ، (ما تشيل كتير من الجنبات) ، (الشنب ده ما تحفوا كتير) ، الدقن دي (واسيها بس) ، وعندما يقول لك الحلاق (نعيماً) تنظر إلى وجهك (الجديد) في المرآة فتجد أن الحلاقة تمت بناء على رغبتك .
أول شيء تفعله وأنت تجلس في (مطعم) من أجل أن تسكت مصارين بطنك المتعاركة جوعاً هو أن تمسك بقائمة الطعام (المينيو) , لتختار أنت وجبتك ، لا أحد سيطلب صنفاً واحداً لا ترغبه فأنت تطلب ما تشتهيه من أنواع الطعام فأنت تأكل بناء على رغبتك . Continue reading →

بس صعبة شوية

تنامت في الآونة الأخيرة ظاهرة الطلاق ووصلت إلى أرقام مخيفة تنوء بها سجلات المحاكم الشرعية وقد تتعدد الأسباب في جعل الحياة الزوجية الأسرية مستحيلة لدرجة الإنفصال ولعل أقواها العوامل الإقتصادية ولكن تبقي مسألة الإختيار (من الأول) شيئاً ضرورياً حتى يحققان (الرجل والمرأة) لقب الزوج المثالي والزوجة المثالية ..
سُئل نابليون عندما كان ضابطا عما ينشده فى المرأة المثالية التي يمكن أن يختارها زوجة له فقال : Continue reading →

الكلام المقدد

هيئة علماء السودان ما فتئت تؤكد يوما بعد يوم للشعب السوداني الفضل أنها بعيدة كل البعد عما يعانيه هذا الشعب الطيب من مسغبة وفقر ومشكلات إجتماعية كانت نتاجاً طبيعياً لتدهور الحالة الإقتصادية في ظل التخبط والعشوائية والفساد الذي ضرب بأطنابه خلال ثلاث عقود من الزمان .
أخر ما أدلت به هذه الهيئة ما جاء على لسان رئيسها السيد/ محمد عثمان صالح في تصريح أدلى به لوكالة الأنباء السودانية “سونا” أكد فيه بأن هناك حاجة ماسة في السودان لتعدد الزوجات، بسبب زيادة معدلات العنوسة والطلاق، وهو ما قد يفتح الباب أمام مشكلات اجتماعية من قبيل الانحرافات السلوكية، وأضاف سيادته إلى أن النساء المطلقات يحتجن للعودة لعش الزوجية طلبا للعفة والسكن والاستقرار وخوفا من الفتنة لجمالهن أو صغر أعمارهن.! Continue reading →

جيبو البيرقر

هل جربت أن تتناقش مع مواطن عن تكاليف المعيشة والأعباء الحياتية التي تواجهه وهو يقوم بإعالة أسرته؟ سوف تجده سرعان ما يكشف لك عن المعاناة التي يعيشها والرهق الذي يظلل حياته ، حاول أن تسأله عما يرهقه شهرياً عندها سوف يطلعك على قائمة البنود الشهرية الضرورية (الإلزامية) التى سوف تجدها هي نسخة طبق الأصل مع (قائمة بنودك) ، وبنود كل مواطن (شريف طبعن) لا فرق بين القوائم والبنود إلا في بعض الأشياء التي لا تتجاوز إتنين أو ثلاثة على أكثر تقدير ، فمعظم الناس في بنود القائمة هذه سواء، وعشان كلامنا ما يكون (ساي) دعونا نأخذ على سبيل المثال قائمة (عمرو): إيجار البيت، فاتورة الموية ، الجمرة الخبيثة )، كروت شحن (إتصالات) ، تعليم، علاج ، مواد غذائية، مواصلات ، واجبات اجتماعية (الكشف ذاااتو قرب يبقى تاريخ) ، مع ملاحظة عدم التطرق لأي نوع من أنواع الترفيه (وللا حبيبي مفلس ذاااتو) !
أما قائمة (زيد) فهي تختلف (قليلاً) عن قائمة (عمرو) فهو غير ملزم بتسديد إيجار البيت (لأنو سكن في البيت الكبير) ، كما يزيد في قائمته أنه قد أشنرى (عربة) من احد البنوك الخلت شغلا وبقت (دلالية) وبهذا فالبنك يستقطع من راتبه الشهري (تلت راتبه) وقد يكون وجود العربة رفاهية وعند الآخر ضرورة لا يمكن الاستغناء عنها!
ما أن يقوم (عمرو) و(زيد) بإستلام راتبيهما أول كل شهر وما أن (يجي يوم خمسة في الشهر) حتى يعود كل منهما لمراجعة (قائمة المصروفات) ويسالا نفسيهما (المرتب ده مشى وين؟)
وعندما يمسكان (بالورقة والقلم) ليراجعا (حساباتهما) يجدان بأن كل شيء في مكانه وأن المرتب (لم يتعرض للسطو) فيبرز السؤال : ما هو البند الذي يمكن (شطبه) من هذه القائمة حتى يمكنهما أن يجعلا المرتب (ينتهي يوم 10)؟
يسأل (زيد) نفسه؟ هل يتوقف عن قسط السيارة ويعيدها إلى (البنك) ويركب (11 خ) ويدافر في (المواصلات؟) هل يضع جدولاً لمرض (الأولاد) ويطلب منهم الالتزام به (مافي إتنين يمرضو مع بعض) ! وقد يقوم (عمرو) بعملية جرد للمصروفات فيجد أن الحل هو أن يتقشف في مسألة (الأكل) ويستغنى هو وأسرته عن (الطقة) الواحدة لتصبح (نص طقة)!
السؤال المفصلي (حلوة مش) هو لماذا لا يكفي الراتب؟ والإجابة (ما عايزه ليها درس عصر) ، وفر لي (مسكناً) مناسباً لي ولعائلتي، أعطني نظاماً تعليمياً تتوافر فيه جميع احتياجات الطالب من الفصول (غير الآيلة للسقوط) ذات الفصول المريحة ، ومعلمون ذوى مستوى عالٍ من التدريب والتأهيل تعليماً يوفر كتاب لكل تلميذ (مش كل خمسة في كتاب) !
ثم أعطني (خدمات صحية) حكومية تليق بالإنسان توفر الكشف والتشخيص (الما غلط) ومن ثم العلاج (المجاني) !
أعطني (مواصلات) مريحة ومتوفرة لي ولأسرتي ومواقف ثابتة (مش مرة كركر ومرة فرفر) ووفر لهذه المركبات (شوارع) خالية من الحفر و(المطبات) التي تصيب الراكب (بالفلايت) !
نعم لو أن (الحكومة) وفرت للمواطنين المسكن المناسب والتعليم الجيد وخدمات طبية لائقة ووسائل نقل مريحة .. عندها سوف يمتد عمر المرتب و يكفي حتى يوم 15 في الشهر (لأنو الكلام الفات ده لا فيهو أكل ولا شراب ولا كهرباء ولا موية ولا لبس ) !!

أهو الحكومة وفرت ليكم (الكاتشب) إنتو جيبو (البيرقر) !

• كسرة ثابتة (قديمة) :
أخبار ملف خط هيثرو العند النائب العام شنو (وووووووووووو)+وووووووووووو)+ (وووووووووووو)+(وووووووووووو)+(وووووووووووو)+ (وووووووووووو)+(وووووووووووو) +و+و+و+و+و+و+و
• كسرة ثابتة (جديدة)
أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+(ووووووووووووو) +(وووووووووووو)+و+و+و+(و)+و+(و)+و+و+و+و+و+و+و+و
• كسرة جديدة لنج :
أخبار (أجهزة التصنت عالية الدقة) التي إستخدمت في غش إمتحانات الشهادة السودانية لسنة 2016 يا وزيرة التربية شنو (وووو)+(وووو) +و+و+و+و+و+و

خط أحمر

نحن من اكثر الشعوب بل إن شئت الدقة حكومتنا من أكثر الحكومات التي تستخدم مصطلح الخطوط الحمراء ‘ حيث يستخدم المصطلح للإشارة الى (حد معين) إن تم تجاوزه فلن يقابل المتجاوز إلا بالصرامة والحزم ، والخط الأحمر عادة ما يذكرني بخط كنا نرسمه على (الواطة) عندما كنا أطفالا (ما تقولو ليا متين) ، في حالات الشجار إذ يقوم أحدهم برسمه قائلاً لمن يتشاجر معه :
– كان راجل فوت الخط ده ! Continue reading →

%d مدونون معجبون بهذه: