تشـــبيهات

• كراعو حارة : تقال للشخص الذي ما أن يقصد مكان ويصل إليه إلا وتحدث كارثة عند وصوله ، وقد تقولها أنت حين وصولك عائداً إلى منزلك فتجد بعض الضيوف الثقلاء الذين يأتون بغتة دون سابق إنذار وهم على أهبة المغادرة فتقول لهم (الظاهر كراعنا حارة) مع إنك في قرارة نفسك في غاية السعادة لهذا التزامن بين عودتك ومغادرتهم .
• عينو حارة : تقال للشخص الذي ما أن ينظر إلى شئ ويقوم بالتعليق عليه ووصفه وصفاً دقيقاً حتى يتأثر ذلك الشئ من فرط عينو الحارة كذلك الذي زار صاحبة فوجده يربي كلباً (أبيض بأسود) فقال له (كفر برازيلي) !
• عينو زايغة )(طايرة) : تقال للرجل يدمن النظر للنساء ومحاولة التودد إليهن على الرغم من كونه متزوجاً (وإحتمال مربع كمان) والعبارة لا تقال لغير المتزوجين لأنهم في مرحلة (البحث) وكده !
• خشمو خفيف : تقال للشخص الذي لا يحتفظ بالسر .. فما أن تخبره بسر من الأسرار حتي يقوم بإفشائه في (أقرب ملف) وقد كان أمثال هؤلاء سبباً ريئساً في فشل كتير من (الإنقلابات) (والمحاولات التخريبية) !
• أضانو تقيلة : تقال لمن به علة في سمعه وعليك ان أردت التحدث إليه أن (ترفع الصوت شوية) وقد يكون (تقل الأضان) تصنعا من الشخص خاصة لو القصة جابت ليها (سلفني)
• إيدو خفيفة : تقال للشخص (الحرامي) الذي يمتاز بأداء مهمته في سرعة قياسية إذ (يلفح) ما يقابله من مقتنيات الغير في لمح البصر
• أيدو لاحقة : تقال للشخص الذي يتوسم فيه الناس الصلاح فتذهب إليه لأنك تعاني من مرض ما فيقولون لك أنه ذهب للاردن للعلاج من نفس المرض
• دمو خفيف : تقال للشخص صاحب النكتة والطرفة والتعليقات الساخرة الذي يلطف أجواء الجلسات والمناسبات وهو عكس الزول (الدمو تقيل) وهنالك فرق بالطبع بين (الرشاقة) و(خفة الدم)
• بطنو غريقة : عكس الزول الخشمو خفيف إذ تقال للشخص الذي لا يمكن ان يبوح بالمعلومات أو الأسرار الذي يحتفظ بها مهما حدث (خاصتن حاجاتو)
• عينو باردة : عكس الزول العينو حارة .. يعني مهما نظر إلى تعمة أو قام بوصفها أو علق عليها فلا يصيبها مكروه
• أضانو خفيفة : تقال للشخص الذي له مقدرة فائقة على إستقبال الذبذبات العالية والإستماع إلى الأصوات الهامسة من مسافات بعيدة (رادار بس)
• كيسو فاضي : تقال للشخص الذي ليس لديه ما يقوله في موضوع معين كما تقال للشخص (المفلس) !
• وشو مختوف : تقال للشخص ذو الوجه المرهق التعبان الشاحب دلالة على أنه يعاني من المرض (الشعب الفضل وشو كلو مختوف) !
• عينو واقعة : تقال للشخص عندما تصغر عينيه وتعتريهما حالة من الذبول وهي أيضاً دلاله على التعب والمرض وإذا كان الشخص (وشو مختوف) وكمان (عينو واقعة) تكون مصيبتو مصيبة !
• دورو ميت : تقال للشخص لا يقوم بتقديم خدمة أو مساعدة أو البت في اي موضوع .. يعني لا بيقدم ولا بيأخر
• رافع نخرتو : تقال للشخص (المتكبر المتعنطز) الذي ينظر إلى الناس كما لو انهم دونه وغالباً ما يكون (جديد نعمة)
• جلدو تخين : تقال للمسئول (على وجه التحديد) الذي لا يتفاعل مع ما يكتب عن المصلحة التي يتولى مسئوليتها وما فيها من أوجه (فساد)
• صاري وشو : تقال للشخص العابس الذي يقوم بشد جميع أطراف وجهه إلى مركز الوجه (من الزعل طبعن)
• رافع أيدو : تقال للشخص الذي إنتظم في عمل ثم تركه لسبب من الاسباب ورفع إيدو منو زى الحكومة الرافعة أيدها من التعليم والعلاج
• قاطع كراعو : تقال للشخص الذي كان يقوم بزيارة مكان ما ثم توقف عن ذلك (وقطع رجلو) كما مفتشين الصحة في الاسواق
• حيلو ميت : كناية على أن الشخص مصاب بالهزال والضعف (هسه الحيلو ما ميت منو؟)
• دمو حار : حرارة الدم يقصد بها التصدي لكل عدوان حتى وإن لم تكن طرفاً فيه .. يكفيك أنك آمنت بالحيثيات التى أمامك
• ضلو ميت : تقال لمن لا تأثير له ووجودو زي عدمو فلا تكاد تحس به إن كان في مجتمع ما
• كيسو فاضي : تقال للشخص المخو فااااضي وبرضو عاوز يعمل فيها (عارف) !!
• راسو قوي : شخص لا يمكن إقناعة .. مثلاً لا يمكن إقناعه بإستحالة أن يستمر حكم البلاد في يد جماعة واحدة وإنو لابد من إشراك الجميع (جنس قوة رأس)
• كاسر عينو : تقال للشخص الذي يعلم بأنه منبوذ من المجتمع لسلوك أشتهر به (زى حرامي الحلة مثلاً) لكن حرامية الزمن ده يعاينو ليكا
جوه عينك.
• ريالتو صابة : تقال للشخص الذي من فرط عدم توازنه العصبي والنفسي لا يستطيع التحكم في سريان وإمتصاص لعابه فيسيل في شكل ما يعرف (بالريالة ) …….(وبس)؟ !!

كسرة :
بالو طويل .. (النائب العام)

كسرة ثابتة :
أخبار ملف خط هيثرو العند النائب العام شنو(وووو وووو وووو)+(وو)

Advertisements

140 تعليق

  1. ب ر ن ج ي ه آ ل ع ب ي د

    1. معقولة !!! كدي النفرك عيني دي ونجيك !!

      1. والله يا جنوبي يا خوي قدر ما اكتب برنجية ارسلها ما تمشي ارجع اكتبها تاني برنجية لا تمشي نامن نفسي قام وحسيت بي العبيد وراي زي (ارت جابات) اها قمت كتبت اسمه وقتها كان دخلت (الميس) ليك شنو

    2. آآآي والله ياهو الغلبان ..
      مبروك البرنجيه
      قف .
      نبارك في الاولي فقط ونعادي من الثانية

      1. اسف على الثانية آجنوبي بس ما تنسى اننا عايشين جوه الجك مع الكيزان لازم نعره منهم تظهر هع كرع

    3. ألف ألف مبروك يا الغلبان ،،، وعجبني ليك

    4. اّاّاّاّلغلبان الف مبروك و اللاهى ,, اخرة (الكتمان) جاب ليهو نفس فى البرنجية ,, بالهنا !!

      1. والله يا رفيق عاوزين نفس في الشارع اصلو الشارع هو البيعلم

  2. برنجيييييييييييييييية مشترك جديدة دى الليلة

    1. إنتن تطالبن جبرا ده يعملكن برنجيه خاصة للنساء
      يا تمشن تشتكِنو في حقوق الانسان فشان الدنيي حقوق
      مرأة وكدي !!

      1. شيشه شيشه شيشه بشييشن

      2. يعني برنجيه بالنعناع بااااااااااااااااارده ما تفهما باردة الثانية هع كرع

  3. مبروكة
    اعتزلتها بعد تعليق شمباتي يوم امس،،!!!؟؟؟

    1. لييييه يااااا العبيد !؟
      والله غلتان ثم غلتان ,,
      ياخى انا قصدى فلاااانة ! فى داعى تفضحنى كدة !
      واذا فهمتنى غلت انا بقدم اعتذارى وحبى واحترامى ,,
      وابقى راجل رجع لى شئ منهن !

      1. ولك حبي وتقديري
        وما دام كدا النتم باقي العلبه في المرات الخمسه القادمه إذا ربنا حيانا ومافي ساكنداريس

      2. النقائل التظهر فى هناية فلانة !!
        ههههههههههههههههههه

      3. ما احلي التصافي من بعد التجافي
        الكان بينا حاصل اسباب ليهو مافي
        بس يا شمباتي كان رجيت لحدي بكره نشيل برنجيتنا دي !
        اها تاني يسمنا بعد ده ..

      4. امشى يا صياد ! مويتنا راااااايقة نحمد سيدنا…
        هههههههههههههههههه

    2. اسف آآآآآآلعبيد انا ما عندي ليها (سدر) ما ولعتها لسع برجعها ليك

      1. دمك شربات يا الغلبان والله تستاهلها و اهو شمباتي أفادنا وقال لينا ما نحردها أو نعتزلها،،طبعا انا ما زولان سغيل وكان قالوا لي استغييل بستغييل طوالي مش زي ناسان سغييليين ما دايرين يستغيلوا الا بعد ما نلحس

    3. آآآآآآآآآآآلعبيد البرنجية فيها حداشر سجارة دا شنو يا خوي حساب ابو الكجك دا

  4. دمو بقري : ده الزول الما بيحس وعارف انو الناس
    ما دايراهو ويقعد غصب عنهم مهما يحاولوا يركبوهو
    طيارة تقع بيهو ومها يشتغلوا ليهو في الصحف والمواقع
    وبرضو يقول ليهم انا جابني فلان وما بشيلني الا فلان .
    وشو قوي : ده للزول البكون اصلا هو مطلوب جنائيا
    ويقوم يتهم ناس تانيين ويطالب بملاحقتهم جنائيا .
    قلوط سيده : زمان في الاندايات حقت العباسية كان
    في واحد يومو كلو قاعد تحت بنبر سيده ست الانداية
    تغرف وتديهو من الصباح وما يمرق الا المغرب هس للزول
    البباري ليه زول محل ما يمش يمشي معاه مع انو ده ما
    شغلو ( مع الاعتذار لسيده وقلوطا للضرر الذي اصابهم
    من التشبيه )
    كيس نايلون وشايلو الهوا : ده للزول
    الما فيهو أي فايده محل ما الهوا ماشي يمشي معاه ,
    وعشان الحكومة ما تزعل ديل نحنا زاااتنا الشعب
    السوداني بعد التعديل وبلد تتقسم ايوه لاكين فنان
    يموت لا . طلبه يكتلوهم ايوه لاكين هيثم يتشطب لا .
    يرأس السودان منو ما مهم لاكين الهلال والمريخ لااا
    لحدي هنا واقيف عندك !!

    1. سلام ياقبيلة،،
      صديقي جنوبي لكن ما بالغت عديل كدا، شايفك اليومين ديل شايت شماااال بس ده كلام شنو ده؟؟؟
      يوم أديك الكود ووجع شنو ماعارف والليلة شنو كده ما عارف وسيدة وجمالا فريد وطبعا” في الأغنية جات زي ما تريد وما تريد دي مش الدكتورة ديك دي ما تريد ست الإسم زاتها!!
      ويا أخي أنا ما منتظر منك فون، ومالك بقيت ديمة نافر ولمتين نفورك… كفاك يا هاجر صدك وجورك والدنيا تحلا وكمل لي الباقي ليك ولي الزول الغايب داك عشان انا خلااااااااس.. وبالمناسبة أين سارا؟؟؟؟

      1. اوووه حبيبنا الاولاني فلان الفلاني
        لينا معاه زكري دايرين نعيدا تاني
        دي غنية محمود عبد العزيز يا ودالخلا محمود الدقوهو
        يومتا وقالوا عليهو مسلم عاق وملازم البار ورسلوا
        ليهو طيارة تجيب جثمانه عشان طلع ابن السودان البار
        شفت الحكومة دي منافقة كيفن وبي وشين وكيف استغلت
        محمود حي وميت !!
        اما سيده يا صديقي انا برضو اشك في انه المقصود
        تشبيهها بمتريد ملكة الجمال لأنو قال يامن جملا ( فريد )
        انا قلبي ليكي مريد.. ( قط ) ما برالها ( نديد )حسنك
        ووصفه عديد ..لاكين ما خوفوهو بالدين يسوي شنو ! لو
        انا كنت قلت ليهم لالا سيده بعد ولدوها ندهت ربنا
        يبقيها كدي ..
        كل ما نشوت يمين تجي مصرّجه قلنا نشوت مع الهوا ..
        سارا قالت ليك انا مانسيتك يا الليا ناسي

      2. يا جنوبي ياسديقي أقول إنت نور ولا أقول زهور ولا أقول نسيم من عطر الورود!!!
        أقول إنت إيه؟؟؟
        محيرني ليه!!!!!
        أحب أسألك!!
        أخاف أخجلك لأنك نبيه وكلك شعور…
        ياأخي ليك وحشة والله وفي إنتظارك!!
        وكل ما تشوت يمين أشتبه أنا في يميني أو يساري ولولاه ما صبرت علي ذلي وإنكساري
        وأظهر أمام عيوني لا تبقي متواري!!

      3. اخونا (مال اول) على قولة الخلايجة ,, مرحب بيك, وينك من زمان؟؟ مش قلتا خلاس خليت طششان الخلا!! و بعدين جنوبى ليه ما يشوت كلو شمال؟ ما اّهو (البرنس) شايت عكس ,, غايتو جنس غايتو ..

      4. آآآآآآآآآآود الخلا السلام ليك مطبوق لكن كان اخونا جنوبي بشوت شمال وبصرجها برضه والله جماعتنا ديل بشوتوها بي كرعينن الاثنين شفت دي

    2. يا جنوبي وكت جابتلها قلاليط
      ورينا الفرق شنو بين قلوط الندي وقلوط المرا النفساء ….. الضحك ممنوع
      والله قلوط سيده دا اول مرة اسمع بيهو
      حنعزم ضار علي ضار للعشاء بحق النفساء باذن الله

      1. ههههههه الله يقرفك ..
        ونعمل ليهو شطة بالبولينا ..
        دي بعرفوها اولاد العباسية وامبده لانو كنا بنباري
        الزول ده ونناديهو بالاسم ده ويسكنا ..

      2. انا عارف الفرق بس السؤال ما لي ما داير اتشوبر والا شنو ا جنوبي (القلوط بي جنية والطعمية بي جنية والموية بي جنية ) حد فاهم حاجة حليل زمن خرطوم بالليل وأأأأأأأأأأأأأأأأأأأأحسرتاه عليك

      3. الله يقرفكم يا مقرفين ,, دا انتوا طلعتوا ناس هناى ساّاّاّاّى !!

  5. لكن ما لومتنا يا جبره
    أمبارح دي قلتها لي زول (كراعي حارة ولا شنو؟)
    بس إن شاء الله ما يقراء المقال ده ويظن إنه أنا فرحته بي مشيتوا مع إنه زول ……………… دمو خفيف

  6. جنوبى !!
    مغرم انا بك ,,,
    لكن كدة لا !
    طاااااااااااااااااااخ

    1. يعني بشنو كده تقول لي تعال وبشنو كده تقول لي لا مافي مجال !

      1. ههههههههههههههههههه,,
        كدى امش على ود الخلا دا لا يجيك بى بندقيتو !

      2. وينك يا دوك من ديك وعيك!!
        ياخ أنا ما طلبت منك رقم تلفونو وبخلت لي بيهو..
        ومتين يزورني حبي ومحياهو يضوي داري..
        كويس إنك حذرته من البندقية مش البسطونة يالمندهش.. يا…

      3. هههههه .. انتو تتجازوا انتو ..
        بسطونة وبندقية وكف ديل متعودييين عليهم إلا انت
        ما تشوف جنس كلامو البعمل عمايل الشمش في لوح التلج
        ده !! إهههههي ( مع تغطية نصف الوجه باليد اليسري
        وامالة الذقن للاسفل واختلاس النظر بين الاصابع )
        نبارك للاخ جبرا افتتاح كورنيش ابوروف الذي سيساهم
        في حل مشكلة زحمة المرور من ابوروف الي ابوروف ..

      4. يااااااااااااااخ احلى الكلام لغة العيون

      5. ههههههههههههههه,,,
        انا ما بخلت لكن والله انشغلت ,,, وشايفكم متواصلين ! اححححححححححححححح,,
        قبلكم وحدكم ,,,

  7. راسو خفيف:تقال للشخص سريع التاثر عندمايتناول…………

    1. يعني الراس الكبير راسه خفيف مالوووووووووووو وقلبو كمان خفيف يكون دا ابوكامبو

  8. سمع هووووووس
    جاء في صحف اليوم، ان وفداً بريطانياً يزور الخرطوم ليدرس تجربة السودان في الشفافية ومكافحة الفساد.
    ياربي !! الأنجليز شاربين حاجة ولا ناس الجرايد شاربين حاجة ؟؟؟ أين عقلي ؟؟!!

    1. هههههههههههاي
      يكون جايين يدرسو تجربة السودان في الفساد ومكافحة
      الشفافية !!
      تكون انت الشارب حاجه ! شايفك اليومين ديل ماااا
      طبيعي وبقيت ما زي زمان ..

      1. ههههههههههههههههههههههههاااى,,
        احبكما واقبلكما سوية ,,
        صعب صعب يا على

    2. الكترابة يكون لحقو يغشوا الخواجات

  9. اها نحن الصابرين تقول علينا شنو

    بلد غريبه يجي فريق زائر بعد المباره يكسرو المطار

    يموت فنان ساعه وصول الجثمان يكسرو المطار

    اها الجريف بجي فجا وقرنق مات فجا وخليل دخل الخرطوم فجا وناس الامن ديل ما دام جابو الجثمان ولمو ناس الدولار وقبضو ناس التخريبيه ومل قدرو يامنو مطارنا الوحيد ده والتلف الحصل ده حا ينضاف لي ياتو بند في المزنيه المخرومه
    بث الله يستر

    1. صعبة دي بندك يا مغادر هع هاك دي الناس اللي جاتليها اقامات من ليبيا (تصور) ومن الداخلية الليبية قال ايه لازم تمشي تجيب عدم ممانعة من الخارجية قال ايه ليبيا بلد مأذومة ولا نطمئن على مواطننا صدق مواطننا هع كرع يعني النيل الازرق دا شنو والغرب شنو وجبال النوبة شنو شم نسيم هع كرع هاك الحكومة دي عارف انا جاني نبي الله الخضر قال لي الحكومة دي ملعونة اليجي يكذبوني هع كرع شووووووووووف بالله

    2. قمة الفوضى و الاهمال,, بعد اللى حصل دة المفروض يتحاسب و يفصل فيها وزير الطيران (اذا فى) و مدير هيئة الطيران المدنى (اذا فى) و مدير أمن و تأمين المطار (برضو اذا فى),, معنى كدة بكرة اى مجموعة صعاليك يلموا ليهم 10 او 20 نفر معاهم و يدخلوا يحتلوا اى حتة هم عايزينها فى البلد و يبرطعو فيها ولا واحد يحاسبهم.. قبلناها من الطيارات اللى ضربت فى بورتسودان و حلايب و شلاتين و اليرموك,, جات كمان على المدنيين وفى مطارنا المدنى (الدولى) و على عينك يا تاجر (كدارى و ماوقت صلاة وشايلين بطاريات) خاستن الجو من ناحية برى ..لله درك يا بلد !!!!!!!!!!!!!

    3. يمكن حاكمنا قطرى بن الفجاءة هاك الشيعة الملو البلد دي هع

  10. الاخ جبرا والاخوه الاعزاء
    والله ياجماعه الفتره الفاتت دى كانت عندى تلاته حالات من الفوق دى وشى مختوف -وعينه واقعه -وحيلى ميت- بسب الملاريا العينه
    عشان كده سجلت غياب (رغم انو مافى اللفه بشيل الغياب وكده)
    الاخ شمباتى
    والله مافى شى مزعلنى من المرضه دى الا اننى لم اتمكن من المعرفه بكم فى لمة المدونين واتمنى المره القادمه نكون بصحه ونلاقيكم فى وطن صحى ومعافى (وسودان خالى من الملاريا ) لك كل الاحترام

  11. لاخ جبرا والاخوه الاعزاء
    والله ياجماعه الفتره الفاتت دى كانت عندى تلاته حالات من الفوق دى وشى مختوف -وعينه واقعه -وحيلى ميت- بسب الملاريا العينه
    عشان كده سجلت غياب (رغم انو مافى اللفه بشيل الغياب وكده)
    الاخ شمباتى
    والله مافى شى مزعلنى من المرضه دى الا اننى لم اتمكن من المعرفه بكم فى لمة المدونين واتمنى المره القادمه نكون بصحه ونلاقيكم فى وطن صحى ومعافى (وسودان خالى من الملاريا ) لك كل الاحترام

    1. سلامتك والالم بيزول
      وكفارة ليك يا زول
      عشاااااان كده ناس حماية المستهلك رافعين قضية علي
      ناس الادوية !
      بالله بلد لسه المواطن بيصاب بالملاريا كورنيش شنو
      العلينا هو زاتو شارع بي جكة الزول يجيب اخره
      يفتتحه هناي هو زااااته فايق ورايق ..
      انتي تجيبي عرديب تموصيه في موية وتكبي فوقو شطة حمره
      كتيييرة تشربيه وتتغطي ترقدي بتقومي الصباح زي
      الحصان بلا دكاتره بلا ادوية ..

      1. اول مره أشوف لي شارع يقوموا بافتتاحه، وعقبال الأبراج ولاكين من غير لبع وما دايرينها تقع،،،،
        الوزير العماره اوعك تتشبر وتتشبك،
        بس انشا الله ما يكونوا باعوا الشارع ولانو الحاجه الوحيده اللي فضلت ،
        كفاره للاخت أو الابنه بت وراق

      2. دواء بلدي دواء افرنجي بس كاترة لا (هروني وعالجني مساعد طبي قاعد في بنبر في ضل الشاتي)

    2. الف لا بأس عليك اختنا بت وراق ,, اجر و عافية ان شاء الله ,, و زى ما قال ليك جنوبى فعلا خلى اكل الملوخية فى الشتاء لانها بتجيب الملاريا (حسب كلام صاحبى دكتور) و الا شنو يا شنباتى !! و بعدين ربع كيلو اللحمة اللى كل 6 شهور دة أكيد ليهو تأثير و كدة!!

    3. بالله شوف بت وراق دي وما تعتبرهو هجوم (وشى مختوف -وعينه واقعه -وحيلى ميت ) دي ما ماركة مسجلة وين ما شفتيها في العالم تعرفيهو محمد احمد او حمدية احمد هع كرع كع

    4. العزيزة بت وراق…
      سلا والف لا باس عليك , وما تشوفى شر يا بتى ,,
      غايتو اعراضك دى اعراض زهايمر ! آيييييي…
      فلاديمير…
      ههههههههههههههههههه,,صاحبك دا حقار بس ! عايز يصقط بطنك ! وى

    5. سلامتك أختنا بت وراق ، أجر وعافية ، إنشاءالله ما تشوفى شر.

  12. فايقين ورايقين

  13. جبرة انت نسيت الدم البقرى حال كل مسئولينا الكرام

    1. حرام عليك يا دان ظالم البقر ليه حرام عليك تاني (مش عارف دان دانة (البحرين) غلبني اقرأ الاسم فاعذرني اصلا انا غلبان

      1. اهلا بيك اخوى الغلبان (دحنا كلنا غلابة)
        ونعتزر للبقر وعامة المواشى على الاقل تعطى .. مش زى الجماعة دايرين بس

  14. وكمان القرادة تمص دمك وبرضو ما بتفكك

    1. راجية تعصر الزيت زاتو !!

  15. شمباتى انت من شمبات ولا اسم شهرة ساااااااااااااااااااااكت

    1. انابة عن شمباتي (مع تقديري له) لا اسم عيلة مشهورة بس مش من شمبات (ما اسم قفر يا شمباتي اخوي)

      1. هههههههههههههههههههههههههه,دا انت طلعت عجوز بشكل يا غلبان ! من زمن القفر يا سنجك ؟؟
        دان …
        سلام ومرحب بيك كتيير,,
        اهو الغلبان جاوبك ,
        وابقى ظاهر…

  16. سلام يا ناس
    والف مليون كفارة يا بت وراق—–انتي بس بطلي اكل الملوخية اصلها في الخريف طوالي بتعمل ملاريا
    انا داير لي محل لبيع الفيسخ والكوارع في هذا الكورنيش ___ ورونا المطلوب شنو
    يا جنوبي في واحد اسمو (قطية) بيتم جوار مركز الربيع بتعرفو يا ود العباسية
    ولا نمشي شمبات الحلة غرب الكبانية
    والله يا اخوانا اكل المعلب والمتلج دا فترنا
    –الواحد لا مواخذه يعني لما يمشي الحمام كانو بالع ليهو ملتيفايتمين multivitamin

    1. كتلوني ياااااااااااخ هي ملوخية والا انثى الانوفليس

    2. لالا انا امي ما كان بتخليني العب الا مع اولاد شبو
      واولاد ود المك وبالعدم مع اولاد عيساوي .. هههه
      انا العباسية من فارقتها لي اكتر من تلاتين سنة انت
      ناس فارس وسيف اليزل وابوحديد وعلي الجبل ديك قاعدين ؟
      واستاذ الفرجابي قاعد ؟ الزول ده ماديني كف سنة 78
      لليلة حارقني .
      ياخي وكت انت من العباسية , انا قبل كم سنة كده
      مشيت لي دفن في حمد النيل لقيت شاهد مكتوب فيهو
      الصادق حامد زين العابدين اوع يكون ده الصادق
      الكان في امريكا ؟

      1. امك ما حريصه آآآآآآآآآجنوبي ان كانت حيه مد الله في عمرها وان توفيت لها الرحمة وايضا لها الرحمة حيه ولا مسح خوخ ولا حاجة لم تمت من انجبت جنوبي

      2. يا سلام عليك يا الغلبان ياخ
        اشكرك علي الدعوه الحلوة دي لي امي وان شاء الله ربنا يسلما
        ويسلم امهاتنا جميعا من كل شر ويشملهن بواسع رحمته في
        الحياة والممات وان شاء الله ربنا ما يخلي الحكومة دي تفجع أم
        في ولدا او بتها ..

    3. فسيخ شنو وكوارع شنو ده ستات الشاي وبتاعين
      السجارات حجزوهو قبل الافتتاح .

      1. وللاسف راح يظهروا (الفورويل ابين عمم وفي الدرج الحبة الزرقاء) مش ديل بتاعين زرقاء اليمامة والدفاع بالنظر آآآآآآآآجنوبي

      2. آآآآآآآآجنوبي يمكن الحل بتاع مشاكلنا كله يكون عند اصحاب السجارات ديل

  17. بمناسبة افتتاح شارع :- تم من قبل من قبل الجماعة اياهم دعوة( السيد الرئيس) لافتتاح كبري في اخر الحارات (الثورات) هاك الثورة دي كانت تكلفت حفل افتتاح (السيد الرئيس) للكبرى الذي بني بالعون الذاتي (جمعت من محمد احمد) اكبر من الكلفة التي تم انشاء الكبري مما حدا باحدهم (الجماعة اياهم) ان ينفض يده من الجماعة بدون رجعة ما قلت ليكم فيهم ناس كويسسسسسسن هاك الكواسه دي (اهلي بالقمردينة القصة حقيقية ) بس المحيرني الكبري مثلا بي خمسة دفعها محمد احمد والحفل بي عشرة دافعاهو الدولة مش كان دبل كباري احسن هع كع كرع هي كتمت من هين

    1. انت بمناسبة الافتتاحات الحاصلة دي , دحين كبري توتي
      ده لمان عملوهو ما كان افتتحوا ؟ ولا دخلوهو تحلية
      بضاعة مع الشارع الما تامي 3 كيلو متر ده !

  18. كتمت كتمت كتمت (يا ربي جماعتنا ديل بقدروا يخلوا نقابات منتخبة مجرد خيال يا ناس)

  19. سرو باتع: يعني يعمل العملة … الجن الأحمر ما يفهم عملا كيف !!!!

    1. ولا حتى التومة الوداعية !!؟
      وى

      1. ولا حتى ابكر بتاع الدجاجة الصغيرة الحمراء (بتاعت الضهرية) هع

  20. كلمات اغنية طيبه مصطفى سيد احمد

    كل ما تباعد بينا عوارض
    كل ما هواك يا طيبة مكنِّى
    تلقى الغربة تكرب الواحِد
    بيكى أسمى الشوق .. وأكنـِّى
    ****************
    ****************
    لمـّا أفوتك من دون خاطر
    أو دون خاطر منى تفوتى
    بلقى حبايب فى كل حِتـّة
    وكل بيوت الفُقرا .. بيوتى
    لا غيرت وراك الجِتـّة ..
    لا بدلت ملامح صوتى
    لا غافلنى وهادن فنى ..
    غامل المدن .. الما عِرفتنى
    دقن الشوق الصبرو .. مصوبر
    للأرياف الكم .. وفّتنى
    وللأطفال الناشفة ضلوعا ..
    ونازفة بغنى
    أطمن روعة .. وأهدّى دموعة
    لبسمة بكرة اللاّها تمنى ..
    ولا مصنوعة
    للاطفال النازفة ضلوعة
    وناشفة بغنى
    ****************
    ****************
    أغنى لشعبى ومين يمنعنى
    أغنى لقلبى .. إذا لوّعنى
    مخيـّر دربى الما رجعنى
    إذا طلعنى دخلت القرب ..
    ولا الغربة الكدروبية
    تنزل غنوتى بى قمرية
    أو وقـّعنى فى بطن الجـُّبْ
    بطلع يوسف بالأغنية
    ****************
    ****************
    أغنى الناس الما بتسمعنى
    المِنِّى بعيدة .. ومبعدة عنى
    ا نادى نشيدا .. وكنت المعنى
    الإيدى فى إيدا .. وإيدا بتبنى
    فى دنيا جديدة اليوم .. راح تدنى
    وأريت غنواتى فى ناس شغالة
    تكون سُندالة .. وعود طورية
    ضراع رجالة .. كتاب أطفالا
    وجملة بالا .. الما مقرية
    سدّة مالة.. وبقـّة فالة
    فى ليلة الدخلة على أسمى قضية
    ****************
    ****************
    حبيبة قلبى يا سودانية
    يا أسمى معانى فى زول بيعانى
    ياود ضكران .. ويابتْ دغرية
    وأنا إنْ سامعانى بطـّلت
    أغانى غُـبش .. فقرية
    وروح غانيانى
    هويتك منك يادافعانى براحة إيديا
    ويا جابدانى … قربت عليا
    وما بتحيـّر بين الفوق ..
    وبين الناس التحتانية
    إلاّ مغـيـّر .. ولاّ عبوس ..
    ولاّ كفيف الإنسانية
    ومنـِّك وين يا كاشفة عينيا
    بنور الإلفة .. ضِيا الحنية
    وحِلم العالم .. ناس تتسالم
    والبنى آدم صافى النية
    والأطفال الناشفة ضلوعا
    يطمِّن روعا..وتبقى تغنى
    غناوى البكرة .. الكم مسموعة
    حسيس طنبارة .. مع نـُقارة
    صفِقتاً حارة .. ودارة تغنى
    فيا حلتنا عليكى تـُرابك ..
    وإنتى شبابك زينة الجَنـِّى
    أحلى عروس البلد اللّتنا
    ولاّ الغُبُش الرّابّة تهنى
    ولاّ هدير المدن التصحا ..
    وتمحى ظلام الحاصل .. عنـّى

    Read more: http://www.wad7ssin.com/vb/showthread.php?t=338&page=5#ixzz2xGm2tB4A

  21. كتمت كتمت كتمت كتمت

  22. ترن تررررررررن .. الو برنامج فتاوي ؟ ممكن اسأل الشيخ ؟ يا شيخنا انا والله بحبك في الله ( نظام رشوة عاطفية ) يا شيخ انا كنت قلت لي مرتي كان مشيتي الحتة الفلانية انتي طالق , وهي مشت , اها يا شيخ تبقي طلقانة ؟ يرد متلقي الرشوة العاطفية : وانت كنت قاصد تطلقا ولا قاصد تهددا ؟
    لالا يا شيخ والله انا كنت داير اهددا سااااكت …
    ترن ترررن .. الو ممكن اسأل الشيخ يا شيخنا ( ده طبعا خش طوالي لا رجا ممكن لا رجا ما ممكن ) انا كنت سكران واتشاكلت مع المره وطلقتها ومشيت لناس الافتاء حكيت ليهم وقالوا لي انت لمن صحيت الصباح كنت متذكر الكلام الحصل بالليل ؟ قلت ليهم ما متذكر قاموا قالوا لي ما بتعتبر طلقة , ( يخش المذيع لاكين يا شيخ , ( وشيخ دي للسكران المتصل ) الخمرة دي مش احسن تتوب منها ؟ يرد المتصل تبت تبت ) اها يا شيخ ؟ يرد الشيخ : طيب طالما مشيت وادوك افتاء مشكلتك شنو ؟ يرد المتصل : لاكين يا شيخ انا لمن صحيت كنت متذكر الحصل وقلت ليهم ما متذكر !
    …….
    والله انا لي زمن من فارقت الافلام الكوميدية وبقيت متابع الكوميديا دي …

    1. ياهو دا التأصيل بالله يا جنوبي لو خلونا في حالنا ما كان احسن زمان زمن الزمن الجميل ناس الكاتوحه معروفين ناس الفرتيته معروفين ناس وراء السينما معروفين ناس الصف برضه معروفين بتاعين الكورة معروفين ناس المسجد والله معروفين هسع جاطة جوطه عجيبة مكوجنة ناس انصار السنة ورجع ورجع ورجع قصوا الشوارب واتركو اللحي تشبهو بالرسول ياخي عمري ما قريت لا في ابن هشام لا بن كثير لا البداية والنهاية انه الرسول كان ليهو كرش كبيره وبارزه اما الدخلونا الجامع ودخلو السوق حكايتهم حكاية من البداية واقيف قبال ناس المسجد عاملنه المحمر والمقمر والغرف الحمراء وبي مثل عندو اربعه نسوان ومعاهو اربعه بنات وفي نهار رمضان وماعون الوسكي الاحمر علب البيره الصايدر حتى قزاز البلدي الشارب من شريان المشرق يا عمك ديل مش خلوها خل والمغصه كثيرة وكتمت كتمت والله ليكم يا ناس كافوري (واخاف ان يروح فيها حتى البري كافوري دي) تحياتي جنوبي وتسلم

    2. جنوبي ،،،
      شلوفتك كيف ما بقت كويسه ؟؟
      انت ما سمعت المرة يدك اتصلت وقالت انو راجلها بدقها يوماااتي
      الشيخ قال ليها : اكان دق ريدي ده ما فيهو مشكلة لكن كان دق مغسة وغبيني اها ده يا هو الكعب
      بت وراق سلامتك ، عليك بالمورينغا قالو بتعالج كل شي
      ود الخلا ابو القدح بعرف وين يعضي اخوهو
      الغلبان الكتمة ما فكّت شوية بعد البرنجية
      مبرووووك عليكم شارع الشانزليزية

      1. ههههههههههههههههههههههههاااى,,
        والله كوميديا سوداء كمان !
        بعدين الناس لسه بتسال عن حكم استعمال المسواك فى الصيام والتعطر ىف نهار رمضان والاغتسال من الحيض ودم النفاس !
        والشيوخ ذااااتهم بقوا خشم بيوت ,,,
        لكن هو وكت متذكر التغبى العليهو شنو !!؟
        زواج عتريس من نعيمة بااااااااااااااااااطل

      2. اخويا المندهش ما يكون شانزلوهو ناس الحكومة ولا انت تقصد شنو

      3. آآآآآآآآآآآآلمندهش الغلبان ياما شاف شوارع بري من جنس الحفر دي وصراحه انا مضرب من كهارب المدينة وياخي انا في الضواحي وطرف المدائن ومن ما نزلت في (مسار الخرطوم الدولي ) (والله ما يستوي محطة باصات في دول ثانية) تاني المدينة تب ما دخلتها وآآآآآآآزول اتعوربت تب وسويت لي برينسه وبقرات كدي بجي نواحي المدينة بس اول ما يضربني كهاربه برجع عشان كان دخلت آخي اخاف يصبح على كلام الغناي درب الرجعه ما عرفتو وتب مني داخلها الا لمغادرة بدون عودة ويا المندهش قلب المدينة بيصنع الدهشة واريتا دهشت التاباني والياباني درب وقافي وبول في الحيطه وحرمه بتشحد وبيني وبينك عندي المرض البطال (الضغط) ولو دخلت ما اظني احضر نهاية الكتمة وقولت بم لانه ياخوي انا اللي راح افقرقع بم وعندها تفقد قمردينتكم قولت كتمت تحياتي ثانية

      4. المندهش انا مأذوم عشان الناس والله وشايف في عيونهم الحيرة والكل صار يضرب كفا بكف وما عندي غير اتنفس معاكم ومرات بتطلع هرتقاط كدي يعني ومرات اتشوعر وقدر ما احاول اكتب شئ سمح تظهر قدامي امنا الغولة (الحكومة) وتمر معي كل ساعات اليوم وافضل اتذكر في المآآآآآآآآآآآسي التي صادفتني ولا شئ واحد مفرح ويا سديقي على قولت جنوبي انطلت على الناس دعاية جهازهم الاعلامي نان البجي منو كانه مهيرة ما ولدت ولا الكنداكة يوم كانت ولا كان بعانخي طرب نشابه في بابل ولا الكننكان ولا المهدي ولا يوما لواء ابيض ولا عبد الفضيل الماظ ولا وردي ولا القدال ولا حميد دفن في ليل ولا المغص التراكم وكال ولا ولا اخي حال الخرطوم بعبارة وجيزة درب وقافي وبول في الحيطه وحرمه بتشحد حق المي ربك يعدل الحال وترجع قوافينا القديمة تحياتي ثانية

  23. والله يا جماعة من اول يوم في السنه دي انا ما ولعتها
    ما تخلونا نرجع تاني…. يا اعز عزيز… بهرب منك

    1. سلام كتلوني (مش من كلتلونيا السفلى ) لو داير تولعها انا بولعها بس تكون في السودان وقلبك محدثك وجزم ما اقول حضرنا ولم نجدكم انا بجيب اللستك والجاز والكبريته وكل المطلوب منك تكون هارون اخي ياخ والله هاااااااااااااا انت تقصد البرنجية والله لو وقعت لي ثاني اهديها ليك وما اشيل نفس تسلم انا غلبان وبرضه زيك لسه حي

      1. يا الغلبان والله البلد كنا فيها من شهر شهرين … وبصراحة كده قربنا نقنع من شعب فيها …. ياخي ما الكتاحة ولا ست الشاي واخيرا الكنداكة … اتخيل انا عريس ومشيت الكنداكة وخزلونا ناس سيدي ديل …. يسد نيتم انشاء الله
        اها هسه انا لميت عيالي ومرقت
        وتاني البلد يا انا يا هم ولاد ال………. احنا الاتنين بلد واحده ما بتشيلنا
        كع………..انا ابوك يا موصلي
        وخالك يا مساجد
        وعمك يا سلمي

  24. مرة في شارع الشانزليزيه بتاعنا دا طبعا اولاد المصران الابيض عاملنو ليك محل فارغات وفحيط .. اها قامو جابو ليهم دورية 999 عشان توقفم لكن الحصل جا شاب جاري بعربيتو زي الطلقة وهاك يا فحيط قدام الدورية لامن اتملو غبار قام الضابط وقفوا ومعاهو اتنين انزل يا غبي انت قايل نفسك وين شنو الفوضي البتعملو فيها دي .. الولد نزل من العربية بكل برود زي البطل في الفلم الهندي لامن يجي نازل من العربية وقالع النضارة — وراح قاشط ليك الضابط كف لامن طاقينو طارت وهاك يا جوطه وفي تلك الاثناء واحد من الاتنين المعاهو عمل تلفون وفجاة جات دورية اخري فضت المشكلة لكن الضابط قال الا يسوقو معاهو للقسم الولد قال ليهو انا لو مشيت معاك بتتعب ما اشتغل بيهو الشغلة ….. وصلتم للقسم لقي مدير القسم راجيهم في الباب وقال ليهو من محلو دا ما يخش القسم انت داير تقطع اكل عيشنا …الضابط لكن يا سعادتك الولد قليل ادب وضربني كف وانا لابس شرف الدولة …. القائد يا زول احتسب دا طلع وزير الداخلية خالو جاني مليون تلفون انو ترجعو الولد دا محل ما لقيتهو.. الضابط المسكين نقلوهو
    جاي ضابط تاني محلو وكل ما يشوف واحد مفحط بوقفوا وبقول ليهو لاكن امانة ما فحيطك حلو ايو كدا يا بلاش
    وانا برضو بقول ليكم يا كدا يا بلاش
    هاك الفحيط دا
    واااااااااااااااااااااي

    1. ههههههههههههههههههههههههههههههههههههههههههه,,,
      تستاهل الكتلة انت !
      ذكرتنى الفيلم بتاع (رمضان ابوالعلمين حمودة) ,,
      ههههههههههههههههههههههه

    2. آآآآآآآآآكتلوني الحكاية كلها ما :يا شيخ تلـّب انزل كبكب
      وارمى الحترب فى الميضنة
      فى الباردة تعب لى الحارة تسب
      عجمان وعرب فى الميضنة
      البس خضرب وادخل قصرب
      والحس واشرب فى الميضنة
      دى الدنيا تهب شقيش ما تصب
      القبلى حرب ..
      لى سيدك حب لا تخش ضرب
      لى يوسف جب فى الميضنة
      دقنا وشنب درويسنا يسوق
      تايوتا تكب فى الميضنة
      يا شيخ تلب وين الزغلب
      الكان تلب
      ديل صبحو غرب
      ام اضحو جنب
      فى الميضنة
      انزل كبكب وارمى الحترب
      فى الميضنة

      1. والله يا الغلبان ما عرفت اسوي شنو اتمها ليك … انشاء تبقي عربون
        كبس الحال على
        والحال قبض يا سيد
        غبناً فيا كج
        اوتادو جنبى معيد
        مو جنا تجيب
        سلسل جنازرو تقيد
        بلا غيبوبة البلد
        النصيح ونصيد
        ***********
        كنا تلاتة …
        ود النوق وديك وعتيد
        قلنا نكمل الفرض
        العلينا نشيـد
        جينا عليكى يا المحبوبة
        شوقنا يأيـد
        بقينا ضهابة متل زولاً
        ضرير وقليد
        *****
        -.. ود النوق دا بكور
        العليهو يشفق
        بقى يتباطى
        فى خبة مشيهو يلفق
        ان جاهو العلوق
        صيحة نفاقو تنفق
        اصبح جدوا كل
        ما شافلو سلقة يصفق
        – وديك الجن
        رفيق همى وغنايا وفنى
        سوا طريقو فى نخبة
        وصبح متهنى
        ما هماهو باسط مية
        سكرة ينى
        كل ما شافلو زفة
        جديدة فوقة يغنى
        -.. يا عتيد الرماد
        نط الحيط بالزانة
        تفضى الخانة
        تلقى جنابو سيد الخانة
        فارش دارو لى اسيادو
        بيت كرخانة
        غافل ضبحة الفجرى
        وجرى السلخانة
        يا حميد اقيف
        شوف الخلوق محنانة
        كفكف دمعتك
        والعبرة فوت خنقانة
        عسلك سال بحر
        فوقو النحل ونانة
        ياد ان طاق غرف
        جازاك دباير دانة

    3. الشارع دا وين اكتلوني النبل شوقي ساكت من الشوارع الحصلت فيهو التفحيطه دي (يا ربي جوه القصر داااااااااااااك) الجو القصر زاتو محفر والله حيرتني فحط وين الولد دا سينمات النيلين الولد دا عليك الله (تكتل اهلك) الشارع دا وين اشتقت لي الشوارع هع كرع ياااااااخ

  25. اخي شمباتي المندهش انا مأذوم عشان الناس والله وشايف في عيونهم الحيرة والكل صار يضرب كفا بكف وما عندي غير اتنفس معاكم ومرات بتطلع هرتقاط كدي يعني ومرات اتشوعر وقدر ما احاول اكتب شئ سمح تظهر قدامي امنا الغولة (الحكومة) وتمر معي كل ساعات اليوم وافضل اتذكر في المآآآآآآآآآآآسي التي صادفتني ولا شئ واحد مفرح ويا سديقي على قولت جنوبي انطلت على الناس دعاية جهازهم الاعلامي نان البجي منو كانه مهيرة ما ولدت ولا الكنداكة يوم كانت ولا كان بعانخي طرب نشابه في بابل ولا الكننكان ولا المهدي ولا يوما لواء ابيض ولا عبد الفضيل الماظ ولا وردي ولا القدال ولا حميد دفن في ليل ولا المغص التراكم وكال ولا ولا اخي حال الخرطوم بعبارة وجيزة درب وقافي وبول في الحيطه وحرمه بتشحد حق المي ربك يعدل الحال وترجع قوافينا القديمة تحياتي ثانية

    1. الغلبان ياخوي هو الجابنا عند مستشار التنفيس ده شنو غير ننفس ونتفش شوووووووووووووية يمكن التنفيس ده يريّحنا ..
      ويمكن يجي يوم الحكومة تبدل المثل ل الجمل ينبح والكلب ماشي !
      الشارع البقولوهو ده عندي اصحابي من جيهة بيت الشمش في اجازتي دي قالو لي تعال لينا وودوني هناك والله يا الغلبان كان ما نضموا اصلو تقول ما سودانيين ناس صُففففففففففففففر وسمحييييييييييييين ياخي انا شفت نفسي بس زي الزول الطمسوهو في كوم رقيطه ومرقوهو ..

      1. رقيطا برضك يا جنوبى !!!؟

      2. آآآآآجنوبي انا مأذوم عشان الناس والله وشايف في عيونهم الحيرة والكل صار يضرب كفا بكف وما عندي غير اتنفس معاكم ومرات بتطلع هرتقاط كدي يعني ومرات اتشوعر وقدر ما احاول اكتب شئ سمح تظهر قدامي امنا الغولة (الحكومة) وتمر معي كل ساعات اليوم وافضل اتذكر في المآآآآآآآآآآآسي التي صادفتني ولا شئ واحد مفرح ويا سديقي على قولت جنوبي انطلت على الناس دعاية جهازهم الاعلامي نان البجي منو كانه مهيرة ما ولدت ولا الكنداكة يوم كانت ولا كان بعانخي طرب نشابه في بابل ولا الكننكان ولا المهدي ولا يوما لواء ابيض ولا عبد الفضيل الماظ ولا وردي ولا القدال ولا حميد دفن في ليل ولا المغص التراكم وكال ولا ولا اخي حال الخرطوم بعبارة وجيزة درب وقافي وبول في الحيطه وحرمه بتشحد حق المي ربك يعدل الحال وترجع قوافينا القديمة تحياتي ثانية

      3. زي الزول الدخلوهو في الرقيطا برضه كويس انك زي الزول احنا فقدنا الزولية

  26. سلام ياقبيلة،،
    يا جنوبي يا سديقي لو إنت نسيت… (أونا) ما نسيت!!
    نشأتنا الأولي.. وجهالتنا زمن الطفولة!!
    علي الرغم أننا لم نلتقي في تلك الأيام، ولكنها الطفولة التي عايشتها كل الأجيال التي كانت تتشابه في كل شيئ لا فرق بين الغني والفقير فكل الناس كانو سواسية برغم الفروقات الطبقية التي كانت موجودة ولكنها في القشور فقط أما الدواخل فكانوا طبقة واحدة، أكلهم وملبسهم ومشربهم فقط الفرق في سكن السرايات وركوب الدواب من عجلات أو عربات وكان ذلك ما بين سكان الصافية والمزاد والشعبية وشمبات ولكنهم كانوا أهل وأصدقاء وأصحاب قبل أن تختلط الأمور وتستجد في الدنيا أشياء جاؤها مخلوعين وملهوفين وسعرانين حتي عضيم شليل اليابس كدوهو!!! ومادام بخلت برضك زي شمباتي ولا خوفتا زي (المنهدش) فقد أقلتك….

    1. فليكن قرارك ما يكن ولكني وقعت خطاب تعيينك صديقا دائم …
      لم نلتقي ولكن تلاقت الارواح فلتكن ما تكن وأكن انا ما أكن ونلتقي في حب الوطن …
      راجع تلفونك يا حبيب ستجد موبايل ينتهي ب 550 او رقم ثابت ب 011
      نكورك ليكم ما بتجو نجيكم تكوركو …
      وعلي كل حال غضبك جميل زي بسمتك …

    2. ظالمني وطول عمري ما ظلمتك يوم
      وتلومني يا قاسي وكان حقي ألوم
      آلامي يا روحي وجروحي مسامحاك
      ما الظالم في عرفك يا جاير مظلوم
      تهجرني وتجرحني تظلمني وتخون
      طبعا يا ودالخلا كلامك ده حسسني وقمت قرفت ليك ابو
      الرقم العندي لحدي ما وصلتو آخرو واليوم رد عليا
      وقال لي ياخي انت غلطان انا ما ودالخلا والرقم هو
      88883؟؟؟؟249 ونعتذر لاخفاء باقي الارقام خوفا من
      ازعاجه مرة اخري .
      انت اتصل عليهو قول ليهو اسمع انا ودالخلا في زول ضرب
      علي في النمرة دي ؟

    3. شليل وين راح شليل وين فات يا ود الخلا دي اسمها كانت لنا ايام الحين اختلط الحابل بالنابل ويا سديقي على قول جنوبي انت تريد المدينة الفاضلة التي فيها كل الناس على قلب رجل واحد نقول صاح بس صعب التطبيق وتخيل معي حتى الان ليس لدينا منهاج تربية وطنية اي والله تربية وطنية الامارات التي تأسست عام 1973 لها وقس على ذلك بقية العالم كل العالم لا توجد دولة لا يوجد في منهاج تعليم اطفالها واولادها وصبيانها تربية وطنية هذه واحدة والثانية ان الله فعلا يزع بالسلطان ما لا يزعه بالقرأن وعندنا في عمر بن عبد العزيز اسوة لكن واه من لكن اذا كان رب البيت للدف ضاربا فشيمة اهل البيت الطرب والرقص ما بالك ان كان رب البيت راقصا ثالثة الاسافي ما يندرج تحت باب الفساد وهو كثيرآآآآآآآآآآآود الخلا اخوك جزم موجوع شديد وان شاء الله نحلم بي وطن حدادي مدادي لك تقديري وشليل وين راح ثاني

      1. شليل ما راح شليل ما فات شليل فوق التقانت قام خدار وبلاد
        شليل قايم نصاصي الليل يتمتم ليلو ورديه
        حرازنا شليل وشليلنا دليل علي البلدات بعد درب التبلدية
        قلناها ليكم ناس والراكوبة كلملو البرنجية يعوضكم الله

      2. الله عليك يا حبيب ,,
        كتلتنا والله بى شليلك دا ,, وحليييل مصطفى الرائع ,, احححححححح

  27. الغلبان ، دوك شمباتي ، جنوبي ، ود الخلا ، الرفيق ود بوتين ، كتلوك ومازلت حياً ترزق، دوك العبيد وكل العقد الفريد
    أنا شاحد الله زي ما بحبكم وكل يوم يزداد حبكم ان نجتمع سوياً ونقعد في شارع النيل الجديد ونحن نتنسم عبير الحرية والإنعتاق من العبودية والذل والدونية
    العزومة على نفقة البروف وأسروا قولكم أو اجهروا به فلابد أن ينبلج الصبح
    والمقدر لابد يكون
    قول لشاهد الزور فيما ساير
    هدّي روعك قبل الخساير
    ياما قبلك عميت بصاير
    من لساني وقولي الهتون
    ما نكرت الحق ماني فاجر
    لا ولا بالعالم متاجر
    نفسي يا أحباب ليها زاجر
    لا أكون كل يوم ليَّ لون
    الثبات معروف لي معاصر
    لو بقيت في داخل معاصر
    الإله غير شك ليَّ ناصر
    رغم أنف الواشي الخئون
    عن لسان الحق ماني نافر
    ما جحدتَ الخير ماني كافر
    ما ضمرت السوء ماني حافر
    للصديق لو جوة السجون
    ده صفات وأخلاق كل سوداني أصيل ومتأصل

    1. الحبيب المندهش…
      سلام وشوق ومحبة ,,
      كأنى اول مرة اقراها !
      دا المقدر لابد يكوووووون ,
      وفى الفؤاد سكن حبك وودك ,,,

    2. حبيبنا المندهش بل نجاهر ..
      وما بخاف من شئ برضي خابر المقدر لابد يكون ..
      اين كانت جليلة خميس بالامس وصلاح قوش واين هي اليوم وصلاح قوش !

      1. جليلة كانت جوه الجك وهسه قوش جوه الجك بس ما ملاحظ انه الجك دا كيزانه كتاااااااااااااار هع كرع

  28. عامل جيبك الكبير دا
    تمكنا
    عندو ضهر
    تمساح كبير
    مرتاح
    آمل ايجاد تفسير لها

    1. ود الجد دي كلها ما عارف معناها آآآزول انت من وين

  29. يا ناس هوووووووووووووووووووووووووووووووي
    اكرر كلام بت وراق زمان قالت الحصل شنو لاستاذ جبرا (بقي يفك لينا الموضوع ويعمل نايم)
    قبل علي ناس الفيس والراكوبة وراكوبتنا دي ……

  30. وبهناك في الفيس والراكوبة ____ قسمة الفائض—— نزلت وطلعت وطلعتا روحنا
    ما عرفنا نولعها كيف

    1. يا جماعه ما نحن خرمانين شديد والفاتح قافل الكنتين بتاع البرنجي
      خرمه شديد خلاس

      1. دير بالك يا العبيد البرنجية الجاية لكل اهل القمردينة كووووووووووووولنا

      2. الجاية دي مخاضا زاااد وشكلها جاية قوية
        والجماعة شكلهم دقسو في الكورنيش السوهو
        جمب بيتو ده .

    2. جزم آكتلوني الفيس دا ما عندي وما دايره والراكوبة مشيت ليها قلت ضلها يكون سمح آآآآآآآآزول لقيتها ليك كلها رقراق تاني تب ما دخلتها ولا عبيت من زيرها عجاجتها قايمة وكتاحتها كثيره واغلبيتهم مع الاعتذار لزوارها ومحبيها افقهم ضييق وهو هو هو كلاب جزارة تحياتي لك الغلبان ولسه حي

  31. جديدة لنج اول مرة اشوفها واحترت ولكم الادلاء برايكم اليوم الساعة حداشر بتوقيت جمهورية الخرتيت سوق بحري جهارا نهارا (كترت كزاز ويسكي فاضي) لاحظ معي كثير لدرجة انه يلفت النظر بيبيعوه فاضي لحد هنا مفيش مشكلة طيب يا غلبان المشكلة وييييييييين ومالك متلقي حجج الفضول اناس اصابني مشيت قريتهم عيلت عمك ليبل (بلاك ريد قولد بلو) وكمان شيفاز وحاجات ثانية قوووووووووووم يا الغلبان امسك قزازة قزازة قزازة قزازة وهي فاضي لا تسيئون الظن وهاك يا تواريخ هاك يا تواريخ ويا حسرتي من تاريخ التصنيع وتاريخ النهاية (اغسط 2012 ديسمبر2012 وكنين واحدة 2013 اناس دا ما تاريخ التصنيع دا الا ext اي نعم والله احترت وحار حماري وحار دليلي وحتى الحين عاوز اعرف البشرب دا كلووووووووو منو لكن اخيرا بعد لعنة ابليس كم مرة كدي قلت هااااااااااااااااا ما نحنا عندنا سفارات اجنبية والمعااااااااااااااا قزاز قاعد يجيبهم من هنااااااااك حتى ارتحت ولقيت نفسي براي بهتف هي لله هي لله

    1. هههههه شحْتاف ياخ إنت ..
      قت لي قزازة قزازة شان تشوف التواريخ !!
      اها وان شا الله ما لقيت واحدة تاريخا منتهي يا بتاع
      حماية المستهلك إنت ….
      قالو يا الغلبان إمام تائب جا واحد يسألو : يا
      شيخنا البيرة حرام ؟ قال ليهو البيرة الصااااااقطة !
      تتخيل حرام .!
      ايام نميري دفقو في البحر داك قالو الجماعة بجو يضربو السمك
      في سوق الموردة وتسمع الكواريك , أسمع ما تنشفو نص
      استوا بس آآ .

      1. المصيبة آجنوبي تواريخ انتاجه جديدة ما ها قديمة وشكله مارق من حته واحدة لانه بتشابه رجعتني تااااااااااااني اتشكك لانه ماممكن الخواجات ديل كلهم بيشربوا نوعين او ثلاثة لانه فيه المارتيني والفودكا والتكيلا والوسكي والعرق يعني الشغلانة كان سفارات كان القزاز يكون متنوع زي السفارات ما متنوعية اشي اسباني واشي ايطالي واشي فرنسي واشي انجليزي واشي كدي وكدي ويا سديقي زي ما قال العربي زمان البعرة تدل على البعير والاثر يدل على المسير هع كرع

      2. ما فلسفة اجنوبي بس نميري كان ما عمل شريعتو الفي النهاية بقت شريعة قدو قدو دي اقلاها كان الكيمان بتكون مفرزة ونقدر نعرف الصالح من الطالح والا شنو رايك

      3. سلام ياقبيلة،،
        صحي يالغلبان بتفتش في تواريخ الإنتاج ولا قاع تقطّر باقيها إن كان فيها باقي، أو في الكأس باقي، كما قال جنوبي!!
        أيام نميري وبعد تطبيق القوانين واحد من الجماعة بتاعين الراااااح، مشي ضرب ليك البلدي وطشم طشمة جد، وجاء ماشي بمحل البار الكان زمان بيشتري منو الأفرنجي يا الغلبان ، وقام عرج عليهو وحسب طشمتو ديك قام وعي شوية لكنه لا زال تحت خط الصفر ولقي ليك البار بقي مغلق بتاع مواد بناء، قام عاين ليك مسافة للرفوف وتذكر ليك الماضي القديم، وقال لصاحب المغلق بعد فترة تأمُل وتذكُر وإختلاط للماضي بالحاضر وتذكر الجلد:
        أدينا علبتين بوهية وقزازة ثينر صااااااقطة!!!!

      4. انا شحتاف الله يسامحك اوعك تكون في المملكه لانها راح تكون رائحه عليك ههههههههه

  32. الغلبان بس اندهش يا ود الخلا اقسملك في سوق بحري (وااااااااااااااااا السوق الكبير كمان) ويا ود الخلا الملفت الكمية كبيرة بشكل لا يصدق انها نعم فاضية بس في سوق الله اكبر وبرضه نعم فاضية والبوليس رايح جاي رايح جاي

  33. شنو يا جماعة ما فيش برنجي

  34. إلا صحييييح الحكومة زادت مخصصات الدستورييين بنسبة
    خمسة وعشرين في المييي ؟
    إشاعات يا عمدة إشاعات …
    لازمن إشاعات أصلها خدت منهم سيارة المدام !!
    ههههههي اه يا ولاد الـ ؟؟ب …( مع كف صاموطي ) .

    1. طبعا إشاعااااااات
      شوف دي قوية كيف
      كشفت تقارير للمراجع العام عن صرف مبالغ دون وجه حق للدستوريين بعدد من الولايات بلغت 55 مليون جنيه فيما أكدت التقارير إستحداث بدلات ومخصصات غير واردة بقانون مخصصات الدستوريين أدت لضياع المال العام وقد إتهم المراجع العام المجلس الأعلى للحكم المركزي بالتسبب في ذلك .
      وكف صاموطي هدية من عندي هههي اه اه اححححح

  35. ياخي انحنا مصقرين ليها من الصباح وبعد كده نشوف لينا ضل حيطة نقعد فيه من الشمس

  36. آآآآآآآآآآآآآآآآآآآآناس البروف منعوهو من بيع البرنجي والا ايه ……………

  37. يا جماعة للأسف الأسيف البروف ده تاني إلا تشوفوهو لمحة وتشموهو قدحة مواضيعو شغالة تش في الحتات التانية
    الراجل زعلان منكم وده كلو من هناي سيدة ، جنوبي ود بوتين الغلبان يا اخوانا قرف يقرفكم ويقرف معاكم قتلوهو و مازال حياً
    وبمناسبة هناي سيدة دي وحتى ننظر للموضوع بصورة علمية واقتصادية
    شايف ان كتير من المساجد بدأت تطبق موضوع دخول حمامات المساجد بالقروش ودي حصلت في أحياء الخرطوم و بحري
    يعني مافي ليك طريقة كان ما قطعت تذكرة
    ولأن التذكرة ذات قيمة موحدة وتستعمل لمرة واحدة فقط عشان كدة حقو يكون في بعد نظرللموضوع ده
    ونعلم جميعا أننا دولة ذات رسالة وعندنا شفافية شفيفة وحفظا لحقوق الجميع فهناي سيدة ده بينقسم لثلاثة أقسام ولا حياء في العلم
    ( إسهال و وسط و إمساك ) وحتى يسود العدل لابد من طباعة ثلاثة فئات من التذاكر (شعب ولوج ودرجة أولى ) بحيث لا يظلم أصحاب الفئة الثالثة الفئة الأولى ، وذلك حتى لاتكون هناك أي شبهة لأي فساد محتمل لأن المساجد دي مال عام (وقد تخصخص قريباً) خصوصاً إذا طبقنا فكرة فئات التذاكر هذه فأكيد سنجني أرباح خيالية يسيل لها لعاب هوامير الخصخصة
    نبدأ الفكرة بتطبيقها على سينما الوطنية بحري والوطنية أم درمان وسينما كولزيوم وذلك لوقوعها في قلب الأسواق و الكثافة السكانية

    1. هسي يا المندهش لو فرضنا انا دخلت الجامع عشان اصلي
      ومشيت اقطع الجمار ولقيت نفسي ما شايل قروش قطع
      الجمار , أصلي بي جماري يعني ؟
      نقترح علي ديوان الزكاة يعمل حمام في كل مسجد ويخت
      فوقو لوحة كبيييرة ويكتب عليها ديوان الزكاة – حمام
      ابن السبيل فرع جامع كده . واهو برضو يبقي ليهم
      بند نهب جديد ..! واتحدي اجعظ مراجع عام يقدر يعرف
      انا استعملت ياتو فئة من فئات المندهش التلاتة ..
      والله انا خايف الثقافة دي تصل مدارس شُفعنا ونشيّل
      الشافع من الصباح علبةالفطور وزمزمية الموية وقصرية
      البول !
      السلفيين عينم لينا يدفعونا في حمامات المساجد وينهبونا
      بي اسم الحج والعمرة ويأكلونا من القروض الربوية
      ويجو يقولوا الاحتفال بمولد النبي بدعه وهو النبي زاتو
      ما ولدهو يوم 12 ربيع اول ! وا شماتة كوهين فينا!

      1. ههههههههه,,الله لا يخزيكم ابدا !!

      2. هناي سيده دا اصلو ما صنفوهو عملتو ليهو ثلاثة تصنيفات ياهو هناي سيدة وبس ما هو سائل وماهو لين وماهو كدي وكدي قال ليكم هناي سيده خلاااااااااااص منبشينو مالكم

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: