إمتلات (الأسافير) من منتديات ومواقع إليكترونية وصفحات تواصل إجتماعي بالعديد من التعليقات الطريفة والأقوال الساخرة التي تسخر من هذا الخريف الذي يأتينا (فجأتن) كل عام ويعمل (العمايل) على الرغم من تأكيدات (المسؤولين) قبيل كل خريف بان الإستعدادات لمواجهته قد اكتملت !
لعمري إنها قصة و(مسلسل) يبعث على الرثاء والضحك ثم البكاء .. المواطنون على صفحات الإنترنت وجدوها فرصة للتندر وهاكم مثالين لهذه السخرية اللاذعة من هذا الوضع المأساوي المتكرر الكئيب
قصيدة (سيل الوادي المنحدر) قصيدة شعبية تراثية (كما أظن) تمتدح فيها إحداهن أخاً لها وتعدد خصاله الجميله وفراسته .. والقصيدة تقول :
أخوي الﻣﺎ ﺑﻨﻘﺪﺭ …. ﺳﻴﻞ ﺍﻟﻮﺍﺩﻱ
ﺍﻟﻤﻨﺤﺪﺭ
***********
ﺍﻟﻠﻴﻠﻪ أخوي ﺟﺎﻛُﻢ ﺣﺎﻳﻢ
ﺻﺎﺣﻲ ﻣﺎ ﺑﺘﻠﻘﻮﻩ ﻧﺎﻳﻢ
ﺷﺎﺩﻯ ﺍﻟﺨﻴﻞ ﺃﻣﺎﺕ ﻟﺠﺎﻳﻢ
ﺃﺳﺪ ﺍﻟﺨﺸﺶ ﺃﺏ ﻗﻮﺍﻳﻢ
ﻫﺎﺷﻚ ﻓﻮﻕ ﺃﻡ ﺗﻤﺎﻳﻢ
********
ﺍﻟﻨﻴﻞ ﺍﻟﻌﻢ ﺍﻟﺘﺮﺍﺳﻪ
ﺍﻟﺒﻠﻴﻎ ﻣﻦ ﻏﻴﺮ ﺩﺭﺍﺳﻪ
ﺧﺎﺗﻨﻠﻨﻮﺍ ﺍﻟﻨﻈﺎﺭﻩ ﻭﺭﺍﺳﻪ
ﺷﺪﻭﺍ ﻟﻴﻪ ﻋﻠﻰ ﺃﺏ ﺟﺮﺍﺳﻪ *
ﻭﻗﻔﻞ ﺃﺑﻮﺍﺏ ﺍﻟﻔﺮﺍﺳﻪ
******
ﺻُﺪ ﻳﺎ ﻋﺎﺯﻝ ﻭﺇﻧﻘﺮﻉ
ﺩﻩ ﺍﻷﺻﻞ ﻭﺍﻟﻨﺎﺱ ﻓﺮﻉ
ﺍﻟﻮﺍﻓﺮ ﻣﺎ ﺑﻨﻀﺮﻉ
ﺳﻴﻔﻪ ﻭﻛﺘﻴﻦ ﻳﻨﺸﺮﻉ
ﺑﻴﺎﺧﺪ ﺍﻟﺰﻭﻝ ﻭﺍﻟﺪﺭﻉ
******
ﻣﺎ ﺷﻔﺖ ﺃﺧﻮﻙ ﻳﺎ ﺃﻡ ﺳﻤﺎﺣﻪ
ﺍﻟﻌﺎﺻﻴﺎﺕ ﻛﺴﺮ ﺟﻤﺎﺣﻪ
ﻋﻴﻨﻪ ﻟﻠﺒﻌﻴﺪ ﻟﻤﺎﺣﻪ
ﺍﻟﺨﻴﻞ ﺍﻟﺸﺒﻜﻦ ﺭﻣﺎﺣﻪ
ﺷﺎﻓﻨﻪ ﻭﺻﺪﻥ ﻗﻤﺎﺣﻪ
******
ﻣـــــﺎ ﺗﻬـــــﻤــــﻮﻙ ﺑﻨﻤــــــﻴﻤــــﻪ
ﺑﺘﻜﻔﻰ ﺿﻴﻔـــــﺎﻥ ﺍﻟﻬـــــﺠـــﻴﻤﻪ *
ﺳﻴﺪ ﺑﺖ ﻓﺮﺝ ﻭﺳﻴﺪ ﺣﻠﻴﻤﻪ
ﺍﻟﻘﺼﺪﻭﺍ ﺍﻟﺘﺎﺭ ﺭﺿﻮﺍ ﺑﺎﻟﻬﺰﻳﻤﺔ
إنتهت قصيدة التراث الشعبية والتي قام أحدهم بمجاراتها لتحكي عما نشهده من سيول وأمطار فقال :
سيل الوادي المنحدر
ﻣﺎ ﺷﻔﺗﻲ ﺍﻟﺴﻴﻞ ﻳﺎ ﺃﻡ ﺳﻤﺎﺣﻪ
ﺍﻧﺘﺸﺮ ﻏﻤﺮ ﺍﻟﻤﺴﺎﺣﺔ
ﺍﻟﺨﺮﻃﻮﻡ ﻛﺴﺮ ﺟﻤﺎﺣﻪ
ﺍﻟﻨﻔﻖ ﺍﻟﺠﻤﺒﻮ ﺳﺎﺣﺔ
ﺍﻧﻘﻠﺐ ﺣﻮﺽ ﻟﻠﺴﺒﺎﺣﺔ
ﺍ******ﺍ
ﺳﻴﻞ ﺍﻟﻮﺍﺩﻱ ﺍﻟﻤﻨﺤﺪﺭ
ﺍ======ﺍ
ﺍﻟﻠﻴﻠﻪ ﺍﻟﺴﻴﻞ ﺟﺎﻛُﻢ ﺣﺎﻳﻢ
ﺍﻟﻤﺴـــﺆﻭﻝ ﺗﻠﻘﻮﻫﻮ ﻧﺎﻳﻢ
ﻻ ﺑﺪﻝ ﺟﺎﺕ ﻻ ﻋﻤﺎﻳـــﻢ
ﺍﻟﻮﻃﻦ ﺷﺒﻌﺎﻥ ﻫﺰﺍﺋﻢ
ﻭ ﺍﻻﻏﺎﺛﺔ ﺑﻘـــﺖ ﻏﻨﺎﺋــــﻢ
ﺍ******ﺍ
ﺳﻴﻞ ﺍﻟﻮﺍﺩﻱ ﺍﻟﻤﻨﺤﺪﺭ
ﺍ======ﺍ
ﺍﻟﺴﻴﻞ ﺍﻟﻌﻢ ﺍﻟﺘﺮﺍﺳﻪ
ﻭﺍﻟﺴﻴﻮﻝ ﻣﻌﺮﻭﻑ ﻣﺮﺍﺳﺔ
ﻣﺎﻓﻲ ﺗﺨﻄﻴﻂ ﺍﻭ ﺩﺭﺍﺳﻪ
ﺍﻟـــﻤﻨﺎﺻﺐ ﺑﺎﻟﻮﺭﺍﺛﺔ
ﻗﻔﻠﻮ ﺍﺑﻮﺍﺏ ﺍﻟﻔﺮﺍﺳﺔ
ﺍ******ﺍ
ﺳﻴﻞ ﺍﻟﻮﺍﺩﻱ ﺍﻟﻤﻨﺤﺪﺭ
ﺍ******ﺍ
ﻳﺎ ﻋﺎﺯﻝ ﻫﻮﻱ ﺍﻧﻘﺮﻉ
ﻟﺠﻨﺔ ﻭﺍﻧﺒﺜﻘﺖ ﻓﺮﻉ
ﻛﻞ ﻓﺮﻉ ﺍﺻﺒﺢ ﻓﺮﻉ
ﺍﻟﻨﺎﺱ ﺗﻨﻈﺮ ﻭﺗﺨﺘﺮﻉ
ﻭ ﻓﺠﺄﺓ ﺟﺎﻛﻢ ﻣﻨﺸﺮﻉ
ﺍ******ﺍ
ﺳﻴﻞ ﺍﻟﻮﺍﺩﻱ ﺍﻟﻤﻨﺤﺪﺭ
لم يقتصر الأمر على مجاراة الأغاني التراثية بل تعداه إلى مجاراة (الأناشيد المدرسية) كﻧشيد ﺍﻟﻤﻄﺮ الذي كان مقررا على تلاميذ الصف الثالث بالمرحلة الاولية (على ايامنا) والذي يقول :
نحن إذا جاء المطر.. المطر المطر
نجري و نلعب بالزهر .. بالزهر بالزهر
بين الحدائق و الشجر.. و الشجر و الشجر
ثم ننظف ثوبنا .. ثوبنا ثوبنا
ليكون ثوبا معتبر.. معتبر معتبر
وها هو احدهم قد قام بمجاراة ذلكم النشيد (نشيد المطر) ليصبح :
ﻧﺤﻦ ﺇﺫﺍ ﺟﺎﺀ ﺍﻟﻤﻄﺮ … ﺍﻟﻤﻄﺮ ﺍﻟﻤﻄﺮ ..
ﻓﻲ ﻋﻬﺪ والينا ﺍﻟﺨﻀﺮ … ﺍﻟﺨﻀﺮ ﺍﻟﺨﻀﺮ ..
ﻧﻘﻌﺪ ﻭﻧﺮﺩﻡ ﻓﻲ ﺍﻟﺤﻔﺮ ,.. ﻓﻲ ﺍﻟﺤﻔﺮ ﻓﻲ ..ﺍﻟﺤﻔﺮ
ﻣﻦ ﺍﻟﺼﺒﺎﺡ ﻟﻠﻌﺼﺮ .. ﻟﻠﻌﺼﺮ ﻟﻠﻌﺼﺮ .
والباعوض إنتشر … إنتشر إنتشر
وبقت أرواحنا في خطر .. في خطر في خطر
ربنا يدينا الصبر … الصبر الصبر
كسرة :
(فعلن) ربنا يدينا الصبر .. الصبر الصبر …… يا ولد هات الحبوب
كسرة ثابتة (قديمة)
أخبار ملف خط هيثرو العند النائب العام شنو(وووو وووو وووو وووو وووو وووو وووو)+(وووو) +و
كسرة ثابتة (جديدة):
أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+(وووو)+و
الفاتح جبرا 
سلام من نيويورك
يا أمريكي في انتظار اتصالك
اخي عبيد تحياتي وأشواقي ،، 8607964305 رقم الهاتف
الليله لقيت البلد خلاء .
هلا هلا…
أرعى ….
دي شنو البرنجية الزي الخريف دي !
برنجية ليها زيفة هههههه تحياتنا جنوبي
خيااااااااااااااااااااااانة
برنجية
ﻳﺎ ﻋﺎﺯﻝ ﻫﻮﻱ ﺍﻧﻘﺮﻉ
ﻟﺠﻨﺔ ﻭﺍﻧﺒﺜﻘﺖ ﻓﺮﻉ
ﻛﻞ ﻓﺮﻉ ﺍﺻﺒﺢ ﻓﺮﻉ
ﺍﻟﻨﺎﺱ ﺗﻨﻈﺮ ﻭﺗﺨﺘﺮﻉ
ﻭ ﻓﺠﺄﺓ ﺟﺎﻛﻢ ﻣﻨﺸﺮﻉ
والله ياهو ده البوررم الفشفاش.
طيب لزوم الاستعداد للخريف شنو .
حقو تانى نرجا الخريف لامن يجى ويشيل البيشيلو ويخلى البيخليهو وبعد كدة الميزانية الطالعه للاستعدادات يدوها المتضررين .
والله برضو مافى ضمان إنو الميزانية تتلحس .
إس.
(الجبل) الما بنطلع !
وى وى وى
آه ،، آه ،، آه ،، ثم آه ،، دشليون آه يا بروف لو شفت المطر عندنا في بلاد العم سام ،، المسئولين نايميييين واوباما ذاتو نااااايم ،، لابنشوفو لافي بقميص ولا جلابية ،،
العم سام خليهو ! وحات الله فيييي بلاد الود تسفاي البنحقربهم ديل , المطرة تصب شوووووو خمسة ساعات وتقيف تنزل الشارع نقطة موية ما تلقاها !
الظاهر انو حفر المجاري ده صعب شدييييد علي الحيكومة عشان كده نعمل بفكرة الزول القال نبني بيوتنا جوه المراكب يجيك السيل في امبده تلقي روحك في الدروشاب ..
بس الخوف ناس محلية الدروشاب يلموا فينا ويدفعونا غرامة يقولوا لينا بيتكم ده ترخيص امبده ! لاكين ما مشكلة نعمل ليهو هلِب ومن تبدأ الشكشاكة بدل نفتح المجاري نرمي الهلب …
زمااان برضو في الابتدائي في نشيد حلا الخريف حلا اهلا به وسهلا هسي بقي حلا الخريف حلا لاااا حولتن لا حولا ..
والله يا جنوبي كلامك مشى وجا! تتذكر لما علقت علي إنو في مطرا متوقعة و الكلام لي ناس المحلية ، انت قلت لو حددتي اليوم و الساعة و الزقاق كمان ما حيسووا شي؟ ياخواني احنا قاعدين نسوّ في شنو؟؟ دا تنفيس يعني ؟؟ والله يعني دي عوجة احنا المفروض نتحرك خلااااس ماف شي بعد دا البيوت و إتماصت ، الولاد و فقدانهم ربنا يتقبلهم شهداء، كرامتنا و من زماااان نسينا الشي دا، الفلس و عاااادي، و مالنا و شالوهو قدام عيونا يعني الارض و العرض الزماااااان بنزعل ليهم!!! لكن صحي ،نان المتحركين ليها شنو بعد دا؟
تعرفي يا نونا قصة الحكومة مع الخريف دي بتزكرني نكتة بت الفلاتة البتبيع الفول والتسالي , تجي شايلة الصينية فوق راسا وكلللل يوم في قشرة موزة بتزلقا في نففففس المحل ده والصينية تقع والفول والتسالي يتشتت وتقعد تلم فوقن اها بت الفلاتة بقت كل يوم لما تجي الحتة دي تنزل الصينية من راسا وتمش تتزلق بقشرة المورة وترجع تشيل صينيتا وتمش !!
2020 القريييييييييييبة دي ! جنس تفاؤل !
هسي في برنامج في تلفزيون السودان رامين اللوم علي منظمة الشباب وليه ما استنفروا وحفروا المجاري قبل المطر ! ده بدل يسألوا ميزانية الاستعداد لموسم الخريف مشت وين ؟ تقولي لي 2020 ! منظمة شباب الوطن دي انا من التمانينات لحدي نص التسعين شغال معاهم جنيه واااحد ما اخدنا تتطوّع ساااكت
صحي زي ما قال المثل : الحكومة تسرق واللوم للشباب ..
سلام شباب
انا المحيرني تأجيل المدارس دا!!! قال عشان المطرة متوقعة لحدي يوم ١١ و عشان كل مدرسة تحصر خسائرها!!!! اها قول حصرناها!!! والشفع ح ينزلوا يوم ١٠ يعني ماشين تعمروا البلاد في يوم؟؟ يا إخوانا عندكم لحدت يوم ١٠/٨/٢٠٢٠ النشوفكم حتسوّوا شنو؟( سجمي ، يا ربي بقعدوا لي ٢٠٢٠؟؟؟؟)
ديل عملوا كل شئ يعني بقت على علم الغيب
اها كلامي كان في محلو ،تاااني إتأجّلت ، بس لشنو ما معروف!قال الحمامات واقعة! هي ويني الحمامات تقع فيكم صاقعة!
قالو جاااااهزين للخريف!!!!!
وقلنا نحمممد الله هزمناهو !!
لكن يا الصوارمي وقّع لي دي كيفن ؟؟؟؟؟؟
الصوارمى: جاهزون للرد على اى هجوم اسرائيلى !!!!
ما مجهّزييييين الهدوم الحليبسوهن لمن يمشوا يتفقدوا الضحايا !
خمسة وعشرييين سنة ! ولسه ما وقع ليك !؟
لا لا كده وقع ليّ
مكنة لحام ،،، وجات طافية النور ،، وكانو بصلوا في العشا
وحات الله من هسع عزرناهم احسن اقولوا التصريحات دي بدل جاهزين ولا رأيكم شنو ؟
سيول وفيضانات عام 88
اخ يا ريت 88 نرجع تاني
يا جنوبي بمناسبة بلاد الود تسفاي دي !! قال ليك واحد مسطووول سألوه ليه المطرة السنة جات عندنا كتييييرة كدى ؟؟
قال ليهم: أصلو المطرة (عادتن) بتصب كتيييرة في بلاد الحبشة، لكنها السنة دي مشت ليهم هناك ما لقتم !! أها جات لاحقاهم عندنا هنا .. هههههههه … سلااااام …
هههههههههههههههههههههههههه ,, واللهياهو اللحقان والغرقان !
غاااااغ غاااغ غااااااااااااااااااااااغ
هههههههههههههه
جواب هو !!
لاكين صحي رزق الزول بباريهو ..
ههههههههههه والله دي السطلة يا بلاش ..
وكمان قالو صلاة الإستسقاء البصلوها في بلاد الود تسفاي كل شهرين تلاتة
ما بجي فيها الا البنغالة بصلوها هنا ومغرقاهم هناك هههههههههههه
يا الله لينا من العلينا
يا اخوانا الامطار دي انا اوريكم سببها، قبضوا مجموعة من المعارضة بتصلي استسقاء… ما عرفو يطفشو الحيكومة كيف قالوا نغرقهم بس
المعارضة قعد تصلي صلاة استوزار ! بس مااا لي الله ! للبشير .. يا بشه وزّرنا وزارة لا نظمأ بعدها ابدا .. يا بشه شوّرنا استشارة لا نقنع منها وإن اعتقلت ابانا .. يا بشه صالحنا و إنا عنك مدافعون ( الاخير ده كمال عمر ) ..!
دي اسمها ( معاضضة ) يا البعاتي و كل كلب فيهم يرموا ليهو عضمة يعضي فيها ويفكنا عكس الهوا ..
ناس ماتت وبيوت اتكسّرت وأسر اتشرّدت ويجي واحد بدقن يقول ليك نسأل الله ان تكون امطار خير وبركة علي الشعب !
جلسة ابتدار الحوار المجتمعي بالله عليكم واحد يوريني يعني شنو ؟ غايتو اسم ليهو رنين لاكين غلبني اعرف معناه !
لاكين حسب الوجوه المرت عليهم الكاميرا كووولهم مؤتمر وطني واشبال مؤتمر وطني ( موالين ) يعني بس زي الهلال او المريخ بدل يتمرنوا في استادهم مشوا اتمرنوا في استاد الخرطوم !
هسي الخطاب ده ما كان يقولوا الرئيس وهو قاعد في مكتبه وتبثه القنوات وكت الناس دي كلها جاية تسمع بس ! في داعي للبزار ده وايجار قاعة وترحيل ناس من والي !
لجنة تنبثق من لجنة عرفناها وشفنا نتايجا كمان جابت ليها حوار ينبثق من حوار !
كمان بتشريف رئيس الجمهورية ! هو وكت بيشرّف سمح العووا فييي شنو !
غايتو كتر خيرو هنانا بالعيد لاكين لو كان قال فرحة العيد اتت ناقصة لما لحق ببعض اهلنا من اضرار السيول واترحم علي الناس الماتت وآزر الاسر المتضررة بالكلام سااااكت كان ريّحنا شوووية !
وانا المحيرني كمان مشية الصادق لفرنسا عشان يقنع الحركات المسلحة بالحوار ! وهو ذااااتو موقفه من الحوار زي الزول الداير يستحمي في الشتاء يفتح الدش ويدخل رجله تحت الدش ويسحبا وتاني يدخل يده ويسحبا وتاني يشيل الموية بي يده ويترشرش بيها ولي يوم الليلة ما دخل تحت الدش مره واحدة وخلص !
بالله من قال نشكر من اعانوا اهل غزة الصفقة زي المطرة في الزنك .. تتغذوا بالدِرِب في النخرة ان شاء الله ..
الدرب فى مكان آخر !! لوووووووووووووول…
والصادق اطرش ومبهدل ,,
و7+7 = صفر كبييييييييييييييييييييييييير
7+7 = صفر كبير
اتخيل السبعة المعارضة هم منو :
1/ المؤتمر الشعبي 2/ الاصلاح بتاع غازي 3/ حزب الامة الصادق ديل مصنفين معارضة يعني ! يلا تعال نشوف الاربعة الباقين 4/ حزب الحقيقة الفدرالي 5/ الاشتراكي العربي الناصري 6/ منبر الشرق 7/ تحالف قوي الشعب والله يا شمباتي لمن قريت الاربعة ديل طوالي اتزكرت عادل امام في مسرحية مدرسة المشاغبين لما قال مين زكي جمعه ده !!!؟
7+7 دي انا قايلا غنية حقيبة والله !
سبعة زايد سبعة وادن ضهري لبعه وانا يااا ناس الله لي والليلة ..
هههههههههههههههههههههههههه ,,, والله فعلا ,,
عليك الله فى حزب اسمو الحقيقة الفيدرالى !؟؟ مججججججج
وضهرك يبرا من البلعى !